بايسن كلك حركات انتبهوا منه

[استاذ تاريخ]

السلام عليكم ورحمة الله وبركاته


ومثل ما يقولون .. الجواب باين من عنوانه

ومع بايسن كلك حركات ... ليــــــــه ؟!
تعالوا معاية نكتشف السر ..

ومن الدكان اللي من جمبكم إشروا علبة بايسن
وخلونا نعرف
كيف نصير حركات
لا تقولون ممنوع
لان القرار على الاوراق وبس
المهم
.
.
علبة تشبه *البيبسي* الى حد كبير
ختم من وزارة الصحة
" مسجل في (ورارة) الصحة "
مصنّع في مصنع " أبو الجدايل " بجدة
يعني وبكل بساطة منتج سعودي

طيب ما علينا خلونا نقرأ إش مكتوب على هذي العلبة الزرقاء
صحيح هي ليه زرقاء ؟!
يمكن عشان الحبة الزرقاء !!
المهم ..
ياكثر التحذيرات المكتوبة على العلبة مرة بالأحمر ومرة بالأزرق
تشكيلات تفتح النفس
خلونا نقراها
.
.
علبتين تقضي عليك
وياللي قلبك مريض ولساتك تطلب الدنيا ابعد لا يجيك شي
ويا ابو الضغط والسكر يرحم ابوك لا تاخذه
ويا بزورة ترا هذا شراب القوة والشجاعة وبعدكم صغيرين لا تشربونه
ويا حرمة يا حامل تراك ضعيفة بعدي عنه
^
^
^
أقول ليه ما تبيعونه بصيدلية ويصير بوصفة طبيب أحسن !!
.
.
آهـــــا ا ا ا
وصلنا لمربط العُرِّي
المكونا ا ا ا ت
وأهم مكونين هم
بنزوات الصوديوم .... وحامض الستريييييييك

وهذي المادتين الله يطول لي بأعماركم من اقوى اللي تخليك كلك حركا ا ا ا ا ت
عارفين ليه ؟!

أنا اقول لكم
بنزوات الصوديوم يستخدم ضمن مواد التحنيط
يعني
عندك جربوع لونه مميز وحاب تحتفظ بشكله عندك
عندك ضب لونه وردي
وعندك ركن بالبيت حابب تحط فيه هاحيوانات بعد تحنيطها
(كرمكم الله)
ما عندك مشاكل
رشتين بنزوات الصوديوم
تنشف عروقه تنشيف
بس ها ا ا ا ا
بعد هالمركب عن جلد الضب لانها كفيله بسلخه سلخا مبرحاً
.
.
اما حامض الستريك
لا لا ترى هذا المحلول طيووب مرة أليف
هو بس يخفف من كثافة البوية لما تبغى تلون جدران بيتك
.
.
.
.
بإختصار
هذه مكونات مشروب الطاقة
اللي راح يخليك حركات من أول شفطة تأخذها

زيه زي أي مشروب غازي
يساعد على الاسراع في الهشاشة المبكرة للعظام
يسبب القرحة
صفار الاسنان وضعفها
يسبب جفاف لقرنية العين
بمعنى أصح يساعد على فقدان البصر

واللي زاد الطيب بله
مدري إش الطاقة اللي حاطينها فيه
يا خوفي انهم مكثرين من نسبة الكافيين فيه

يقولون انه صار مشروب ممنوع
شي يضحك .. ما يدرون ان الممنوع مرغوب !!

عاد تصدقون
عمري ما تخيلت اني في يوم راح اكتب عن هذا المشروب الغبي
إلا لما أيقنت انه هو السبب
في فقدان ناس بنحبهم
ناس في عمر الزهور
يشربونه في لحظة تقليد أعمى
ويكون الثمن
( فقدانهم للحياة )

عرفتوا إش هي الحركات !!
ترا مافي ولا حركات
وهل جسم بلاروح .. تصدر عنه حركات !!

وسلامتكم

ويا بايسن بايسن .. كلك حركات