يالجنة(ن) يطلاتس لون السوادي

[سويلم الشيباني]

مساكم الله بالخير يالربع

اعذروني على الانقطاع وبيض الله وجيهكم في هاللجنة الغشاشة احرقووووووووووووووووووههم حراق لاتخلون عنهم شي
الكذب والزور مايمشي علينا ودامها بالشعر وبرنامجهم عن الشعر اكتبوا فيهم من القصايد ولاتذخرون عنهم شي

واسمحولي هذي قصيدة ساع سويتها في هاللجنة الغشاشة اقول

يالجنة المليون يالجنة الزور=يالجنة(ن) يطلاتس لون السوادي
مخبوصة(ن) مابين فاشل ودكتور=دكتور مايفهم قصيد البوادي
قالوا تراها لجنة النقد والشور=تنقد جميع الشعر نقد(ن) ريادي
قلنا عساها تكسب الكل جمهور=برامج الاشعار تسعد فوادي
ثم صرت من ضمن الجماهير مسرور=اتابع الحلقات لوبي رقادي
جمهور مايدري عن الظلم والبور=مايدري ان العدل عنهم بوادي
ويوم الثلوث اللي كشف كل مستور=بين حقيقة ظلمهم بعتمادي
فعلتهم الشنعاء تشعشع كما النور=كل(ن) يقول الظلم هذا وكادي
كل(ن) يقول اني من الظلم مقهور=حتى هزيل الشعر قالوا قيادي
تقييم يوسف ياعرب صار به جور=من شلة يطغى عليها العنادي
عزالله انه قالها تشبه الثور=ثيرانها واجد ولابه مفادي
لجنة نفاق وكذب والكل مغرور=عيونهم بجنوبهم كالجرادي
تكفون يالعتبان وصلت ليا الزور=معاد باقي غير مد الايادي
مهوب مد الهوش خابركم نمور=لونها بالهوش جبنا المرادي
مدة يمين(ن) تكتب الرقم مسطور=ورسل رسالة يم ذيك البلادي
حنا عتابة فالمواقف لنا دور= لاثارت الهيجاء صقور الهدادي

اخوكم/ فهد الشيباني