عتيبي يشتكي ادارة المنتدى

[العــــــــابر]

السلام عليكم ورحمة الله وبركاته

مساكم الله بالخير جميع

اشوف اجتهادات من بعض الاخوه بهالمنتدى للدعم التصويت ومواصلة الهجووم الكاسح للشاعرنا يوسف

صح ادارة المنتدى ماقصرت وكفوو وبيض الله وجيهم في فعلهم الاول كله

بس الحين هم مطالبين بفعل المزيد لان المعركه الحاسمه يبيلها وقفه منظمه توحد كل صفوفنا المتراميه على طوول


الجزيره العربيه .اقتراحي بسيط سمعتم انتم عن المنشورات وعن الدعم الكبير اللي انتشر بكل ديار عتيبه


وكان هذا بفضل من الله ثم بفضل اشخاص معينين اخذوا على عاتقهم نشرها وتحملوا مشقة ذلك


اليوم الكل جاهز بس طلبي ان يكون هناك شعار موحد يخرج عن طريق هذا المنتدى وسنقووم بنشره باذن الله


كلن حسب ديرته وينشر بعد في حفل الجلاوي بيض الله وجهه والمقصد وربي يشهد مهوب قل ثقه

بس هاالاسد اللي اسمه عتيبه مايقومه غير ملعنة خير واذا قام اكل الدنيا ومافيها

لذلك رجائي شعار موحد عليه ابيات معينه وعليه ارقام التصويت وكلن يطبع وينشر وتكون حمله منظمه

جمعت كل الديار وكل قبايل عتيبه ونثبت بعد لكل نفس مغرضه ان عتيبه قبيله واحده صغير والا كبير

اكرر شكري للجميع ولاتزعلون مني يالاداره لاني قدمت اقتراح ولحد حتى رد علي مجرد رد

اخووووووووووووووكم العـــــــــــــــــــابر


ياللي توردها على العتبان::::::::::::ابشر بعزك والصعيب يهون

حنا ورا الهقوات فالميدان:::::::::::يصيبنا وقت اللزوم جنون

لو طحت نشتالك على الامتان::::::::::بافعالنا كل العرب يدروون

حتيش لو هو ينتقد غسان:::::::::::حتيش لو حطوا عليك غبون

ارقى سنوود وعلم العربان:::::::::قل عزوتي ماترتضي للدون

كم واحدن يصهل صهيل حصان:::::::::لعيون يوسف شاعر المليون

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله