محاورةبيني وبين محمد البرقاوي

[سعود العصيمي]

محاوره جرت بيني وبين الشاعر العلم /محمد البرقاوي
بتاريخ 6/2/1428

باحد المنتديات حبيت انقلها لكم

سعود=
في حلال(ن)من عوايدها تكرّم من خطرها=مرحبا يالشاعر اللي لاتذل ولا تخافي
المجله لا تغرّك يالعتيبي فـي صورهـا=ماورها ياوسيع المعرفه غير العوافي
محمد=
البقا ياشاعـرٍ نـاره لضيفانـه سعرهـا= بهر الدله على جمر الغضاء والجو صافي
المجله يالعصيمي عندنا والله خبرها= دوب زان الليل ياليل السعد قافك وقافي
سعود=
المطية مالها الاّ شدادها اللي في ظهرها = والرعيه كثّر الله من يروح ومن يشافي
والتهم يمشي مفتحها على مذهب عورها= وابلشونا وابلشوكم مع تخاتيخ الفيافي
محمد=
والسفينـه مالهـا الا مـن ينطحهـا بحرهـا=قد ضريت ابها المحيط الاطلسي ماهوب خافي
لا تلفت في دمشـق ولا يروعنك نورهـا=شقها واضح يابو طايل ولا يرفاه رافي
سعود=
درجوها فالبحر مـادام ناحرّلـك نحرهـا= ماعليها غير ابن مشعان والصقر النصافي
يامحمد كيف تفزع ضد ربعك واتهجرهـا=ترفع البيرق مع الاجناب ماجاكم خلافي
محمد=
صفنا واحد نجوم الليل ماتجفا قمرهـا=وانت قابلي واقابلك وذيب الليل حافي
يالعصيمي لاتلوم النذل لو ياطا خطرها=راقدٍ في مرقدٍ من ماضي الايام دافي
سعود=
راعي الطاله يشوش الها ويفخر من فخرها=يحسب احساب العلوم ولايدوّر للهوافي
القلوب السود مافيها تبيّـن مـن قهرهـا=مايفرشها فراش ولا يلحفها لحافي
محمد=
خلها يالعنبوها وجههـا يشبـه وخرهـا=شرها في ربعها الادنين والنضره خلافي
نملتن لو جالها جنحان مولاهـا دمرهـا=ماتهز بذمها رجال بين الناس وافي
سعود=
الغشيم اللي يقول النار تالع مع مطرها=والحكيم اللي يميّز فالثقال وفالخفافي
ياحكيم الشار نفسك للردية وش عسرها=جرتك ما تنمحي لو كان تسفاها السوافي
محمد=
والحكيم الي يقول البنت قدمنـا مهرهـا=وانت شوق البنت بين الناس يهذا السنافي
كيف تعمر لك ديارٍ ماحدُ قبلك عمرها=ديرت تجمع رعاع الخلق فيها كل هافي
سعود=
انت رجلٍ تسقي الشجره وتاكل من ثمرها=يوم بعض الناس فالايام لاحقها الجفافي
الديار ام المحاجي ضبهـا كنـه وررهـا= يامكافي كافنا منها بعزك يامكافي
محمد =
يوم بعض الناس لو شاف البحيره ماعبرها= انت ميرادك على هداج واثيابك نظافي
ضبها لو ينفخ الذربين موته مـن دهرهـا=الله اللي ذلها ياصاحبي فاربع عجافي
سعود=
النشاما يامحمد ماربـح رجـلٍ خسرهـا= من خسر عرف النشاما مانطحها بالرهافي
والله إنّا مانفتش فالليال وفـي صررهـا=مار جانا الموتر اللي ساري(ن) والنور طافي
محمد=
علموها بالسوالف واخبروها عن خبرهـا=مخطية والمخطية لاجات للرجال عافي
ضايع(ن) فكره مايعرف بطنها ولا ضهرها=واحد ينطح جمال البدو واجنوبه صخافي
سعود=
بعد ماشفت العصا شقرت وشفت اللي شقرها=ما معك فيها ستر لوكان ستر الله ظافي
الحرار الشقر نعرفها وننـزل فـي وكرهـا=ما نساوي سعر سهم انعام باسعار المصافي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.