مخاوي الليل ( للشاعر الرائع / عقاب نايف المرشدي)

[ذيب كميت]

يامخاوي الليل ياليتك تخاويني=وتشوف وشكثر وداني غراميلك
عليك معنا الولع والشوق حاديني=أغيب وأصحي وأنا عيني تراعيلك
والله لو إني لياناديت توحيني=وتقول لي ويش تامربه وأنا أجيلك
لاقول مابيك ساعه تفقدك عيني=أسهر مع الليل وليا جيت صاحيلك
ياطلة الشمس نور الصبح يحييني=لو جابك الله وزان الليل مع ليلك
قلي ويش الباقي اللي بينك وبيني=أما طرياقاً يجي ولا يوديلك
أختار بين الثنين ولا توديني=متاهةً سرمديه لقتوى حيلك
لاتحسبني من الناس المساكيني=إن يسر الله لغنيلك مواويلك
اليا دعتك المحبه للمحبيني=أحفظ مواثيقها وعرف وش الليلك
ياناعس الطرف برق الليل يدعيني=يابارق الليل ياليته درج سيلك
ياروضة تبهج الناس المسنيني=لو شافها من كبر سنه قال دخيلك
يانجمةً في سماء دنياي حنيني=لا لا تغيبين دام القلب صافيلك
مختارك من النجوم اللي تراعيني=اليا سرى الليل قمت اسهر وغنيلك
ماني بمجنون من ضمن المجانيني=لاكن مجنوني أنته غير عن جيلك
وإن كان ماترحم العاشق وتغليني=بلاش من خوتك ماني بفاظيلك

[مشعل بن حويد]

لا هنت ياذيب كميت على النقل

والقصيده فيها خلل في بعض الابيات

[الأمــير]

قصيده رائعه لشاعر رئع


صح السااااااانك والسان المرشدي


ولالاهنت على الابداع

[ذيب كميت]

مساك الله بالخير يابن حويد
والله يعطيك العافيه
ويمكن تكون فيه أخطاء مطبعيه بسيطه
ولاكن الحر تكفيه الاشاره مثل مايقولون
وبيض الله وجهك ياذيب الحنابج على المرور والله
لا يهينك ومشكووووووووووووووور
وتقبلوا تحياتي أخوكم / ذيب كميت

[ذيب السبايا]

الله لايهينك

[{{ الـــــمــــرشـــدي }}]

ذيب كميت

صح لسانك

وجهك ابيض على القصيده

تحيااااتي........

[ضيف الله المسعودي]

لاهنت ياذيب كميت على النقل الرائع

[ذيب كميت]

الاخوان :
ذيب السبايا
والمرشدي
وابن عوجان
مشكوررررررررررررررين وماقصرتوا
والله يعطيكم العافيه على المرور الرائع
تقبلوا تحياتي