محاورة الشاعرين عبدالعزيز و سفر ((بدون ردود))

[أبو نجر النفيعي]

السلام عليكم


هذي المحاوره المباشره بين كلٍ من الشاعرين عبدالعزيز العازمي وسفر الدغيلبي((بعد التعب في تجميع البيوت وتنسيقها ))


عبدالعزيز العازمي

عتيبه هل الموقع تراهـم يقولـون=هـلا مرحبـا واقولهـا بالنيابـه
علا الله توكل ياسفر وامش بالهون=علا شان ماتزعل علينـا عتابـه

سفر الدغيلبي

انا من هل الموقع واجاريك وآمون=واقول البقاء واللي حضر مرحبابه
عميل أتركه وآقول فالحفظ والصون=وعميل أزعله واطلعه مـن ثيابـه

عبدالعزيز العازمي

انا خابرك منا ولا انته بشـارون=ترى الاادمي ملزوم يحسب حسابه
والا ياعميل الخير مجنون مجنون=تفرط فسيفك وانت ماسك نصابه

سفر الدغيلبي

ذبحتوا لكم فاطر على تسعة صحـون=تبون العشاء منها وراحـت نهابـه
ياليتك لعنت أبليس وابليس ملعـون=على شان أوردك (الحفر ) (واللهابه)

عبدالعزيز العازمي

انا شاربي من سمنها اليـوم مدهـون=لكـن انـت جايـع والذبايـح تشابـه
وانا ذيب ما ارضى عيشة الذل والهون=وصـدام دايـم فـوق راسـه رقابـه

سفر الدغيلبي

توكد ترى بعض السمن زيت زيتون=يسّوق ولاحدن ينتفع مـن شرابـه
ليا بان راسك شي عادي وش يكون=وإذا غاب قلنا خيرته فـي غيابـه

عبدالعزيز العازمي

انا اعلمك بالعلم والعلم مضمون = واقول انت ما غواك غير العصابه
منول لكم وقفه ومعنا تهوشون = وذلحين ضيعتو فنون الحرابه

سفر الدغيلبي

تشوف العنب وتقول حامض ياليمون=وهو فوقك أبعد من متون السحابـه
غسلنا يدينا من طرفكـم بصابـون=وهوشٍ على غير السنع وش نبابـه

عبدالعزيز العازمي

نصيحه ليا رحتو لمكـه تحجـون=لا تدعون دعوتكم ماهي مستجابه
تقوله بعد ما شلتو كليب مطعـون=ترى اشد حرب الحرب بين القرابه

سفر الدغيلبي

نصيحه عن الديره واهلها تشـدون=جفتكـم ديـار ألأنبيـا والصحابـه
كليب أنتصر ماضاع له عندك أديون=وغير النصرسلـط عليـك الرقابـه

(( وصحت السنتكم))


..
.
اخووكمـ / ابو نجر

..



مع التحيه والتقدر

التوقيع

.....