قصيدة يد الزمان ماجد الشغار

[ماجدالشغار]

لي حاجة ٍ دونها الابواب منصكه=عيا عليها الزمان وقام له قايم
لو ان حظي عليها قاطع ٍ صكه=يمديلها خنة ٍ يصحي لها النايم
اطبق علي الزمان ولا منه فكه=حتى نهار العياد ازللـه صايم
من واهس ٍ من عناه الروح منلكه=لو يعلم بغايته ما لامني لايم
لو تممت لي وانا محرم وفي مكه=طشيت ثوب الحرام وجيتها مهايم
مار اليالي تفك الباب وتصكه=تقول كني بوسط امواجها عايم
ويد الزمان غرست في نفسي الشكه=من خوف لا ينهج اسلوبه معي دايم
عان اكثر اجواد خلق اللاه منركه=مالايمت وقتنا اللي ماله ملايم

الشاعر ماجد الشغار