&&&&& (((شلة مداليخ))) &&&&&

[ابو وليد الحافي]

الجميع سمع قصيدة الشاعر حمود البغيلي التي تقول:
الغرب يصنع طايرات وصواريخ ... والشرق الاوسط ضاع نفطه بلاشي
حطوا لهم في صفحة العلم تاريخ ... وحنا لماضينا نعيد النــقــاشي
من عقب ماكنا جبال شواميــخ ...صرنا تحت حكم الاجـانب ولاشـي
شي يدوخ الراس تدويــخ ... وشلون عقب الحر حام الفراشي
اقولها والقلب اقوى من الصيخ ... متى نشوف الحق في الارض ماشي

وقد ردّ الشاعر ( باقي المفلح ) على هذه القصيده بقـــــو له:
يابن البغيلي للعـرب بعد تـاريخ... من قمه لقمه كلام وتمــاشي
شف هالجرايد كلها صورة الشـيخ... والشيخ مايسوى خسارة فلاشي
واعلام شاطر في عروض المفاصيخ....والحر يكفخ بين مرشي وراشي
والا شباب من العوايد مساليخ .... والا بنات للنصارى تماشي
للي يقول الحق ياحمود تكفيـخ... وللي يقول الزور عز ومعاشي
ارهابي اللي ينصر الدين ياشيخ... والا اليهودي ياخذ ارض وكاشي
خلك بشعر المدح مدح الشواميخ .... اللي معاركهم بكاس وفراشي
حناالعرب مابين كوره وبطيخ... في كل ملعب تلتقينا نفاشي
بننتصر ياحمود بالطاخ والطيـخ...كم الف مطرب سوقهم بانتعاشي
بافلامنا بنوصل الصوت للمريخ... وببشوتنا بنصد قصف الاباتشي
بالرقص نقدر نكتب احلى تواريخ...مادام صرنا بين خاين وواشي
واموالنا ترجع علينا صواريخ... وجروحنا تنزف ولا فيه شاشي
هيا تعال نوجه لبوش توبيخ ... ليه العرب يابوش عندك مواشي
ونحذرك يابوش يكفيك تلطيخ... لاتحسب ان الدم ضاع ببلاشي
حكامنا يابوش شلة مداليخ... لكن يجونك ساكنين العشاشي
ناس تسمع صوتها للمصاميخ...ناس تموت اعراضها ماتناشي
يابوش صبرك لين تلقى المطانيخ... اللي يردون الذيابه كباشي
اهل الفعل يسقونك الرد زرنيخ ... اللي مع الله لازمين المماشي