قفل حساب المحفظه بعد صفيت..معاد لي في سوق الأسهم تجاره

[فهد القثامي]

أهل الهيلا وزوارها الكرام

السلام عليكم

اعتذرعن الغياب
واسمحوا لي بهذه القصيده

.

قفـل حسـاب المحفظـه بعـد صفـيـتمعـاد لـي فـي سـوق الأسـهـم تـجـاره

ياليـتـنـي فــــي سـوقـهــا ماتـعـنـيـتماأخـذت منهـا إلا الفـلـس والخـسـاره

أمسيـت فيهـا مغتـنـي ليـلـة أمسـيـتواصبحـت ضيـف الفقـر نــازل بــداره

وش عـــاد يـاســوق الهواميـرخـلـيـتمــــن لــؤلــؤ الـبـحــار ولا مــحـــاره

كـنـت اتحـلـم اغتـنـي وابـتـنـي بـيــتوالجيـب يـاقـف فــي كــراج العـمـاره

واسـلـف المحـتـاج حـسـب الثـوابـيـتوافـزع لابــن عـمـي وضيـفـه وجــاره

وفجأه على الواقـع مـن الحلـم فزيـتالله ولا حـــلـــمٍٍ كـــوانـــي بـــنـــاره

(من كثر مامـن بعـض الأحـلام عانيـتحتـى اتـصـال الهـاتـف بــلا حــراره)!!

بالله عليـكـم يـاهـل الـجـاه والـصـيـتأحـــدٍ تـجــرع مـثــل هـــذا الـمــراره

مـرة سنـه مــا فــي الليـالـي تهنـيـتمــره يمـيـن الــدرب ومــره يـســاره

فـي الليـل اسـامـر منتـديـات وصـيـتوالسـوق مـن بــدري اتـحـرى اخـبـاره

أقرا البلونجر كل ما اصبحت وأمسيـتواتـبــع الـشــارات شــــاره بــشــاره

مافيـه عصـر مــع الجمـاعـه تقهـويـتولافـيــه يـــومٍ نـمــت بـــأول نـهــاره

(ولا عــاد عـنـدي للمـواعـيـد تـوقـيـتإلا صــــلاة الــفــرض والإسـتــخــاره)

وعلى اجتهادي وكثر ما اقبلت واقفيتعـيـت تـفـيـد المـعـرفـه والـشـطـاره

((واصبحت من كثر الضغوطات كبريتمـن يــوم تشخطـبـه يـولـع شــراره))

احيـان يضـرب هــا المـؤشـر دنامـيـتويصـفـق بالأحـمـر ويـتـبـدل مـســاره

ولاعادتسمـع غيـر وش بعـت وابقـيـتوالـنـاس واجــد يقـطـعـون الإشـــاره

يـاطـول سـاعـات الـحـزن والتناهـيـتوياقـصـر سـاعـات الـفـرح والبـشـاره

رحنـا ضحايـا الحـرب بيـن الطواغـيـتكــلٍ عـلـى الـثـانـي يـسـنـد بـغــاره!!

والسـوق كلـه اصـبـح بـكـف عفـريـتالله يـدمـر مــن سـعـى فــي دمـــاره

[الحاير]

صح لسانك يافهد القثامي
وسلمت يمينك ولا هنت

[مرزوق حمدان العتيبي]

...
.

الله الله يافهد ابداع ..
صح لسانك
والحمدلله على سلامتك .. تشرفنا ..
...

التوقيع

فدوة ٍ للمصطفى روحـي وماتملـك يمينـيكيف (لا) واللي خلقني حط حبه في كياني حـط حبـه فـي كيانـي ماتغيّـره السنيـنـيوانثني من دون عرضه بالذراع وباللسانـي @Marzouq_MHD

[السميــــــري]

سلمت وصح لسانك

يالقثامي

قصيدة رائعة ..

التوقيع

ربـيـت فــي حـضـن الـزمـانُ وتربـيـتْوأخـذت لـي مـن مـرّ الأيــام قـرطـوع ومـن دون حــدي ماغلـطـت وتعـديـتْولا آطى الخطاء لو كان للناس مشروع وأمشـي علـى نهـج الـرجـال النعاتـيـتْواتعـب لهـا لـو هـي كمـا حـبـةَ الـكـوع ولا أحـب كلمـة ( ليـت ) لأنهـا ( ليـتْ )مـاتـدرك المقـصـود لا صـــار مـمـنـوع

[الأمــير]

فهد القثامي



صح السانك ولاهنت

[العارف]

الأخ فهد القثامي

صح لسانك قصيدة جزلة من شاعر جزل



لك كل الأحترام

[يوسف عبيد]

فهد القثامي صح لسانك على القصيدة الرائعه

[النايع]

الله يعينك

صح لسانك

[فهد القثامي]

الجابر
مرورك بمشاركتي تشريفٍ لها
شكرا لك هذا التشريف

[فهد القثامي]

الشاعر القدير مرزوق العتيبي
الف شكر على مرورك المميز،،،،