أبغاكم تعطوني رايكم بكل صراحه أول قصيده لي

[سفير النفعه]

السلام عليكم ورحمة الله وبركاته

أنا عندي محاولات شعريه وبصراحه مالقيت أحد يقولي رايه بصراحه كثر عيال عمي عتيبه بدون إستثناء
أبغاكم تقولون رايكم بكل صدق و أمانه بدون مجامله عشان أقدر أنمي موهبتي الشعريه ولكم جزيل الشكر.

بسم الله أبدا قبل ما أبدا هجوسي هجوسي اللي في الظمير محبوسي
وأونس بقلبي مثل حرب البسوسي يامن يجيب العلم ولا يوديه
__________________________________________________ ____
قال الذي من صافي الشعر غنا هاضت هواجيسه وقلبه تعنا
ماجت له الدنيا علي ما تمنا دنيا تفرق بين غالي و غاليه
__________________________________________________ ___
ياباغي الدنيا تراها مضره إليا عطت مخلوق بكره تضره
ميزانها بالعرش مثقال ذره مكيالها منقوص محدن يوفيه
__________________________________________________ __
لاشك بعض الناس تطرد وراها وهي ورا ظهره تدور برحاها
ربحان من هو باعها ما شراها إليا شرا بكره تبيهع وتشريه
__________________________________________________
والجار حقه مايبيله دلايل معروف حقه عند كل القبايل
تدرا علي عرضه بكل الوسايل والحر ما يحتاج أحدن يوصيه
_________________________________________________
يامفتخر عند القبايل بمالك فكر ليا منه سريبك لحالك
والمال بكره ياخذونه عيالك عزي لمالن ضاع من بعد راعيه
_________________________________________________
والضيف دسم شاربه بالسمينه دور عشا ضيفك ولو كان دينه
واللي نوا المعروف ربي يعينه ياكم تساوي كلمت الله يحييه
________________________________________________
حذرا خوي المصلحه لا يماشيمك قدام ياخذ منك شي مغليك
وليا أنتها من حاجته ما يدانيك حذراك يا راع الشهامه تخاويه
_________________________________________________
دور علي المحتاج تلقاه قدام تلقا طرف ربعك معاسير و أيتام
كثير منهم يشتكي ضيم الأيام يحتاج للي مثلك اليوم يعطيه
_________________________________________________
وأبوك وأمك حطهم نصب عينك طيع أمرهم تكسب رضا والدينك
وإن كان ضاعو يا فتى من يدينك ماعاد ينفع دمعن اليوم تبكيه
________________________________________________


وسلامتكم[/size]