قصيدة لشاعر عبدالهادي مريزيق النصيري الرويلي
والقصيدة تتكلم عن نفسها
ياللـي تعرضـت القبايـل وذميـت=الجـوف واهلـه كاسبيـن النفايـل
قبايلن له بالفخر كامـل الصيـت=انشد عـن علومـه جميـع القبايـل
وش انت ومنين انت ياللـي تعديـت= ذميـت ربعـي كامليـن الخصايـل
البازعي طيّب وعلى طيبـه اثنيـت= نسيبنـا وللطيـب دلــه دلايــل
واهل القصيم شيوخ صدقن وتثبيت= نعـم الرجـال معربيـن السـلايـل
الا انت يالنقيدان بهرجـك تماديـت= نسيـت مـن لـه بالمسبـه فعايـل
دامك تسب الناس بالنقـص روّيـت=فيك الردى ولبست ثـوب الخمايـل
اليوم يـوم أمنّـت وبالحكـم ذرّيـت=اصبح لك الشرهه على كـل طايـل
تسمع بهرج الناس وللكتـب قرّيـت= يقـدح زنـادك بـس مابـه فتايـل
غديـت تكتـب بالجرايـد وسبيـت= وعمّيـت باقوالـك جميـع الحمايـل
من انت لاهل الجوف بالعرف سمّيت= سبعـة قبايـل يسكنونـه اصـايـل
قبايل السرحـان بالجـوف لاجيـت= والخالـدي والشمـري وابـن وايـل
وفيها الرويلي والتميمي الـى الفيـت =وفيهـا العتيبـي والبقيـه عـوايـل
قبايلن يشهد لهـا الحـي والميـت=غير الكرم يامـا رمـوا كـل عايـل
يـوم المجاعـه والليـال الشحاتيـت= واد النفـاخ الجـوف للطيـب نايـل
اكيد في عقلك مرض وانت مادريـت=عرضت نفسك بين قيـلن وقايـل
تاريخنا معروف مـن قبـل ماجيـت=هاك الزمـان اللـي تلـم الحصايـل
قبل السعود النـاس فيهـم تناعيـت= واليوم كلن للنعـم صـار شايـل
لمّوا ضعنّا عقب حـرب وتشاتيـت=من قبل مابالنـاس قاصـر وطايـل
اما انت واللي مثلك اليـوم عنتيـت= عـزوك شيّـال الحمـول الثقـايـل
نسكت ولانظهر صـرار الحلاتيـت= ونبيح باسرارك لجـوفن وحايـل
لوجيت ابحكي وانشر اللي تحريـت= مليت صفحـات الـورق والوسايـل
لكـن يكفـي والـدوا لـه مواقيـت=في مضنك زنادي الى جيت صايـل
والله لاابيح اسرارك اللي لها اخفيـت=لاتحسـب فلوسـك تزيـل الخمايـل
دامـك تعديـت المسافـه وخصيـت=فـي حقكـم مهمـا نقولـه قـلايـل
لك بالهذر ميدان وفي هرجك اخطيت=الكـذب خيبـه ماتشيلـه زمـايـل
ارجع عن العليـا ونـط النواحيـت=امـرح ولاياصـل ورود وحصايـل
انصحك تتحرى اذا رحت او جيـت= ترى عليك انفـوس ربعـي غلايـل
« آخـــر الـــمـــشـــاركــــات »
11-Jul-2006, 10:06 AM
ياللـي تعرضـت القبايـل وذميـت
العرض العادي
