حنا لنا رايه علـى الكـل تعلـو @ واللي قهرهم يوم رفرف علمهـا

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

هذه القصيده للشاعر : عبدالله بن صبيح الشراري

تو القصيد اللي جنى خاطري تو=من الذي صاب وضربني سهمها
ورديت باكتابي على ماتمادو=من غيرتي رديت يوم ارتسمها
بكل اللغات نرد بال(يس) وال(نو)=ونخلي اللي ماقرا يفتهمها
وشو يحد القلب للقلب وشو=غير المحبه.. وجودها من عدمها
شديت يمه والاحاسيس شدو=ولازم صحافتنا نحرك قلمها
لاضاق جوي انفرج لي معه جو=ربي كريم بنفسي اللي رحمها
رسولنا في داخل القلب يزهو=وحنا نبين صورته وانحشمها
نبينا ماحد يمسه ولو جو=بجيوشهم ربي بقو يهزمها
نبينا منزه عن اللي تحاكو=ربي يحفظ قدره بساعة لزمها
ندعو له بكل الصلوات ندعو=وندعو على اللي بالجرايد رسمها
حنا لنا رايه على الكل تعلو=واللي قهرهم يوم رفرف علمها
حنا لنا تاريخ شوفوه واقرو=شوفو معالمنا وشوفو عظمها
لنا شرف في ديننا لو تهاجو=يكفي شرف يوم الرساله ختمها
لوشوهو ما شوهو ماطفا ضو=نور الرساله يوم ربي كرمها
والحمد لله كلمة العز تسمو=بكل احترام نصونها ونحترمها
ماهزنا اللي جار واللي استبدو=ووقت الحسم حنا نجي ونحسمها
واللي تناجو خلهم لو تناجو=يوم القيامه ربي اللي يحكمها
والعذر مايكفي ولو اعتذرتو=والعذر بعد الغدر زاد وهدمها
رديت يوم الخلق والناس ردو=يوم (ن) وطيت وثار فيني لغمها
وعلى محمد سلمو له وصلو=وصلاة ربي عد خطت قلمها

التوقيع

[((الدلبحي))]

صح السانك والسان الشراري

اختيار موفق ورائع

لاهنت

تحيااااااااااااااااااااااااااتي

[فواز الشيباني]

صح السانك والسان الشراري

اختيار موفق ورائع

الله يعطيك العافيه ياغالي

[ابـن نـعـيـس]

الدلبحي

صح بدنك

والروعه تكمن في مروورك يالغالي


تحياااااااااااااااااااااااااااااااتي

[ابـن نـعـيـس]

ابن العم فواز

صح بدنك

واالروعه تكمن في مرووورك يالرائع


تحيااااااااااااااااااااااااااااااااااااتي

[وليد الزراقي]

صح السان الشراري وتسلم يمناك
تحياتي

[ابـن نـعـيـس]

وليد الزراقي

الله يسلمك من كل شر


مشكووور على تواصلك الرائع


تحياااااااااااااااااااااااااااااااااااتي