راح الدفا مع درب خلان الدفا=ماعاد باق الا البرود الصارده
اثر الهوى مايبطي اليامن صفا=مهما صفا الفرقا تراها وارده
الله على عصر المحبه والوفا=يوم العقول المن نهبها شارده
احدن غفا وحد بمنامه ماغفا=مقرود والمقرود حظه قارده
طبيعة العاشق ولو عاش الجفا=واصل ولايسمع كلام المارده
ايسامر القمرا ولو ينشد نفا=مايعترف بالحب لو هو حارده
يعط الخلا هايم ويرثع فالصفا=وهم الحبيب مع الرقاق ايطارده
ولو زاد حزنه قال باقي ماكفا=وقلبه لمن روح بقلبه فارده
القرب للعاشق ترى هو الشفا=جنة بساتين وفيايين بارده
والبعد نار تصتلي ماتوصفا=تذيب ضلع طويق والمجارده
مايبطـــي ؟؟؟
العرض الشجري