قصيدة الشاعر / احمد بن غازي بن عبيد الشيباني في منقية : خزام بن متروك الشيباني

[عبدالله ابن مشيب]

الوضح صيحوا لها و الفوز يزهاها
صيحولها لين تشلع من تواليها

صيحولها لين يزما العج بيداها
صكوا عليها و نادوها بساميها

ترهج تقول الجنون الزرق تشعاها
و تقول ما كنها الا اطير بيديها

الوضح للعرض و الميدان سقناها
جينا و ذيك الزباره ما نخليها

الوضح شاشت و سقناها و جبناها
و النخبه يخيب منهو طامع'ن فيها

يا خصمها لا تجنب و انت تقواها
يا ظنتي ماحد'ن بالعرض قاويها

واللي يدور لها والله ليلقاها
ويتوب عنها و توبه ما يماريها

يا شيب عين الخصيم اللي تحداها
توبه و ذيك الزباره ما يجي فيها

جينا بوضح'ن وصوف الزين تملاها
الفارق اعن الدبش لا جيت احليها

طول سبلتها يشابه طولة اخطاها
و ارقابها جرد مع دق 'ن مزهيها

و الروس في وصفها يوم اتحلاها
صنادق'ن بالرصاص الحيّ ماليها

فوق الحجب نيّها يزمي و يغشاها
هزع العراقيب و صغار'ن مواطيها

ان ناحرت نوّة'ن تبرق من اقصاها
وضح'ن تحلف وبرتها الثلج كاسيها

و ان قفّت الله من الحساد يحماها
صيوان شيخ'ن نهار العيد بانيها

حنّا هل البل و نكسبها و نحماها
لا من تناخت شيوخ'ن في عزاويها

باللي يبت الوتين و ينسف اعضاها
حدّ احدب'ن لا هوى بالروس يرميها

يا حيّ ربعي يا حيّ الله طرياها
الابه اللي تشرفها يمانيها

حنّا هل الجود و الجزلات نزهاها
عاداتنا بالمواقف ما نخليها

خزام حاز النواميس و تولاّها
حرّ'ن يمينه على الجزله مضريها

النخبه اليا حضرنا العرض جبناها
علّم خصيم تهقوى طامع'ن فيها

من قبل هاذي السنه جينا و اخذناها
و اليوم ردّ المطيّه عند راعيها

و يا ديرة العز با الارواح نفداها
ارواحنا فدوة'ن لحدود اراضيها

يعيش امير'ن صروح المجد يرقاها
مشعل تراث البدو بالوقت محييها

حط الجوايز و فيها ما تغالاها
تسلم يمين الامير اللي مسويها



وسلامتكم ..

آخر تعديل عبدالله ابن مشيب يوم 30-Dec-2012 في 07:37 AM.