الا ياهوى بالي

[عايض جزاء العصيمي]

الا ياهوى بالي منول مهوب اليوم=قبل ل الشباب يدوسه الوقت ويهينه
عسا الله يحرم من حرمكيه حلو النوم=حرمك الشباب وزهرته لاتعيشينه
برك فوق مستقبل حياتك كما الجاثوم=تراه السبب فالواقع اللي تعانينه
اله بالعريس حلوم وانتي لك ابه حلوم=وشبابك على رؤس الاصابع تعدينه
قضى وانتهى معاد باقٍٍ منه مطعوم=وش اللي بعد سن الثلاثين ترجينه
انا منكر اني كنت بك هايمٍٍ مهيوم=على اول شبابك مع تفجر براكينه
اضيع بطريقي لاذكرتك كما المنجوم=معاد اعرف الا دارك اللي تحليته
وانا كنت اطيح من الهوى عندكم واقوم=اسيرٍ بيدك تموتينه وتحيينه
اسير العيون النجل ونهيدك المزموم=وعنقٍٍ علاه من التفات المها عينه
ولا عاد باقٍٍ من هاذيك العلوم علوم=الا صوتك اللي يجرح القلب من زينه
لاكلتي (بصل) ويش يمنعك لو شبعتي(ثوم)=لا جاك لو هو شايبٍ لاتردينه