قصيده للشاعر حسين بن شتوي الحبابي
في مدح الامير فيصل بن خالد امير عسير
ومدح قبيله العجمان
والشيخ عبدالمحسن بن مانع بن قضعان
والشيخ تركي بن عبدالله الدامر
احترت مدري وين اسوق الركايب=وخذيت من وقتى دروس وتجاريب
من عاش فى الدنيا يشوف العجايب=وتبين الشده معادن الاصاحيب
والظن في العجمان ماهوبخايب=اللي نسبهم من كبار المكاسيب
زهمت ابن قضعان ياباالشعايب=قال احتزم لولازمك عسر واصعيب
زهمتني ياحسين ويش السبايب=قلت ونعم مافيك شك ولاريب
محسن ولد مانع ولاانته بهايب=شيخ تعرف المرجله والمواجيب
عون لمن كثرت عليه المصايب=والضيف يبشر بالعشاء والتراحيب
وكلم رفيق له يسدالنوايب=في منصب يزهاه بين المناصيب
هوتركي الدامر زبون الصعايب=شيخ تعلى فوق رووس المراقيب
جمايله تشبه مزون السحايب=ومن طيب جده ناسبوه المعازيب
قضى لزومي من عطيب الظرايب=فيصل ولدخالد وجاب المكاتيب
وحكامنا دايم تحل النشايب=والطيب مانستغربه من هل الطيب
بيت من الصاري ولوكان غايب=ذكره وذكراسمه علي حق ومصيب
وفعل الجمايل من كبار الوهايب =حمل على الرجال وانكارها عيب
« آخـــر الـــمـــشـــاركــــات »
22-Feb-2012, 09:20 PM
حسين بن شتوي الحبابي في مدح الامير فيصل بن خالد والعجمان
العرض الشجري