مطلق المواط

[ناصر المرشدي]

قصيدتي في منقية مطلق المواط

ياهل الخمسين ردوها وراها=ريحوا لاتتعبون وريحوه
قبل لاتطلق على البيداء خطاها=خلو الراعي يحول واقهروها
رقم واحد جاته الوضح بعصاها=وباقي الارقام تفداكم خذوها
وضح مطلق جات من يلحق مداها=وحدتهن بالوصايف مثل ابوها
استوت والرقم الاول مستواها=فية الخمسين نقوه كلبوها
من خيار الوضح راعيها شراها=ماحسب لقيامها لو زودوها
يوم جات النايله قامت تباها=مانست ساعة نهارن توجوها
ماضي الذكرة على العرض تحداها=واسمها من كثر ماجاب اشكروها
حارت الانضار فيها من حلاها=يوم قدام الجماهير عرضوها
جات عند اللي يزود في طغاها=عند قضاي الزوم ان ما اقدروها
رنة اسمه تلفت السامع صداها=اسمعوها يا هل الطيب اسمعوها
مطلق المواط فالقمة بناها=سمعتن ييطون غيره مابنوها
غير من سوى سواته واحتماها=يالخصال بالفعول اليا ذكروها
موصل علوم المراجل منتاها=سيرتن قدامه جدوده مشوها
كلمتن غير النعم يحرم علاها=وكلمة النعم احتماها واحتموها
المراجل والنواميس احتواها=انقلوها فالقنوات انقلوها

وسلامتكم

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

[ابن سلوم الهيلوم]

صح لساااانك يستاهل ابو محمد ومنقيته

[ذعير العالي]

صح السااااااااااااااااااااااااانك

ويستااااااهل المواط

[شاعر الدرع العربي]

صح لسانك وانشاءالله
رقمه الاول نتمنى كما تمنيت
عزيزي الفاضل تقبل مروري