شهادة ابن عون لابن جدلان الأكلبي!!

[محمد ناصر الأكلبي]

بسم الله الرحمن الرحيم

الشاعرالكبير عبدالله بن عون شاعر علم وأحد اهرامات الشعر النبطي المعاصر
وله الكثير من القصائد التي تحمل قمة الجزاله في جميع اغراض الشعر
وهاهو في هذا النص يبدع لنا كعادته ويقدم شهادة على تميز الشاعر الكبير
سعد بن جدلان الأكلبي عن باقي الشعراء

وفي لقاء جمعني بالشاعر عبدالله بن عون قال لي نصاً ان الشاعر الكبير سعد بن جدلان يتربع حالياً على عرش الشعر الشعبي وقال لي بلهجته العاميه:كلنا يالشعراء نمشي في سيد وأبن جدلان مقابلنا في سيد لحاله

اترككم مع النص ..



ياليت بن جدلان شاف ام دبدوب......يوم قربت مني وشالت شماغي
جذّابة الجندوب مع كل لهبوب........لازرفلت قام يتنغمش دماغي
مثل الهنوف اللي يطرز لها الثوب...اللي لها يهدى جديد المصاغي
ياشاعر برهيف الاحساس موهوب....راع السمان اللي تسد الفراغي
لملامس الأحساس برقاق الاسلوب...تازن بميزانل ماهوب متصاغي
منت بهذاك اللي به الشعر منكوب....مفتاح عرفه مايحل البراغي
يمشي كذا في صوب والشعر في صوب... ولقبل على جزلات الأمثال راغي
شعر النبط في تالي الوقت مذنوب..... ثلت منه يقبل وثلثين لاغي
ناس يخلطون الهجيني بمسحوب.... حشو تعالج في غبار المراغي
شعر يعسرونه على غير ماجوب.... مثل اليهاب اللي يبيله دباغي
لو صفق الجمهور ماهو بمرغوب... ولاه مع العراف اذان صواغي
ولا انت شعرك يابن جدلان مطلوب ...سحر البيان تلحفه بالبلاغي


وسلامتكم وصح لسان ابن عون ويستاهل ابن جدلان المدح والشهادة

مع خاص تحياتي

اخوكم الداوي





منقووووووول من منتديات أكلب

آخر تعديل محمد ناصر الأكلبي يوم 25-Dec-2011 في 01:35 PM.