:
::
:::
مبتدي الـمـعـروف والـوافــي بـحـسـنـات الــجــدود =كــلــهــم بـالـطــيــب يُـــذكـــر والــفــضـــل لـلـمـبــتــدي
مــن زرع مـعـروف فــي صـحـراء وجيـرانـه يـهــود =تـنـقـلـب جــنّـــات خــضـــراء والـيــهــودي يـهــتــدي
و من يدافع عن بنات الناس من هرج الحسود =عـاشـوا أهـلـه فــي سـلامـة مـــن كـــلام المـعـتـدي
و مـــن تـزهّــل دون ربـعــه لـــو يـوظـفـهـم جــنــود =خـيـر مــن صـاحـب منـاصـب قيمـتـه مــا يـرتــدي
و مـــن عـطــاه الله وجـاهــه أو رزقـــه الله نـقــود =و إشـتـرى المـعـروف فيـهـا اشـهـد إنـــه مـقـتـدي
المـراجـل درب ٍ أقـسـى مــن تطـاعـيـس الـنـفـود =مـــــا يـجــاوزهــا بـخــيــل و لا تــعـــب فــيــهــا ردي
الـمـراجــل مـــــا تـحــصّــل مـــــن مــخـــاواة الـهــنــود =نــاس يحـدونـك عـــن الـطـيّـب وتحصـيـلـه حـــدي
مـا تحـصّـل و أنــت هـايـم بـيـن غـضّـات النـهـود =من يدوّر عن رضاهـن غصـب يشقـى و يْعَـدِي
مــا تـحـصّـل و أنـــت سـلـبـي لا تـقــاد و لاتـقــود =كــل هـمـك كـيــف تـاكــل مـــن فـضــل كـــفٍ نـــدي
مــا تحـصّـل و أنــت تبـخـل بالفضـايـل مــا تـجـود =لـيـن تسـقـط فــي المصـايـب ثــم تـنـذر و تْـهَــدِي
الـتــجــارب عـلـمـتـنـي كـــيـــف أحـــظـــى بـالـخــلــود =دام حـــــب الـخــيــر عــمـــي والـتـسـامــح ســـيّـــدي
و إنـقـلــي عــنــي كــلامـــي بـالـوثـايــق والـشــهــود =يــا قـصـيـدة مـــن خـيـالـي اسمعـيـنـي و إشـهــدي
لــي ثـمـان سـنـيـن كـنّــي مـــن جـمــادات الـوجــود =مـــا تحـركـنـي مـشـاعـر بــــس هـيـكــل أو "بْــــدِي"
والسـبـايـب مــــن حـبـيـبـي وإنـتـظــاري لــــه يــعــود =إيييـه آســف مــو حبيـبـي هــو حيـاتـي مقـصـدي
و إختصـار القـول ينـدم , ليـه عاملـنـي بْجـحـود =يوم يسمع عن قصيدي وويش جابت لـي يـدي
مـن مـراجـل وصّلتـنـي و مــا عـلـى السـمـاع زود =فــــي مــكــان ٍ مـــــا يــقـــارن بـالـثـريــا والــجـــدي
المعروف
العرض الشجري