مساجلتي مع سـداح

[نياف العضياني]

اولا ...// السلام عليكم ورحمة الله وبركاته

صبحكم الله بالخير // مساكم الله بالخير

مساجله بيني وبين الشاعر/ سداح العتيبي

وهي لتجديد عهدي بكم ..

عساها تنال على اعجابكم
.
.
يانعنـبـو هالـحـب كـــان الـهــوى ذل
ذل الـنـفــوس الـطـيـبـات العـفـيـفـه

تـوي عـرفـت اهــل المحـبـه مهـبـل
هم يحسبـون الحـب مثـل الوظيفـه

الـيــا بـغــا يـنـقــل يــقــدم ويـنـقــل
وان زان جـوه جالسـن فـي مضيفـه

وان كان تبغا الصدق والعلـم والحـل
لابــــو ولـيــفــن مـايــقــدر ولـيــفــه

وان كان ياسـداح فـي خاطـرك حـل
لهـل الغنـج واهـل القلـوب الرهيفـه

ياجعـل كـل الـحـب يـاخـوك ينـشـل
والله مـافـالــحــب نـــيـــه نـضـيــفــه

وانـا اخبر انـك راعــي الطـيـب والـبـل
راع الـعـلــوم الـطـيـبـات الـشـريـفـه

مـالـك ومــال الـنـقـص يـاخــوك وزل
واهـل العقـول الساذجـه والضعيـفـه

وان كان في قلبك نزل غصب واحتل
لابـو وليـفن مايقـــدر وليــفه ..!!
..
..
..

رد سداح
..
..
...

يا اللي شكيت من المحبه تمهل
الوقت موحش والليالي مخيفه

ترا عذاب الحب ضافي على الكل
أهل العيون المبصره والكفيفه

أن كان ما تزحف من الشمس للظل
أصبر على لفح الهبوب الكليفه

مثلك عزيز النفس ما يقبل الذل
مواكره روس الجبال المنيفه

لكنّ لا تدعي على الحب بالسل
قلبك مورّا مير نفسك معيفه

ما ينسرق غير الحلال المهمل
و اللي تحوفه تآخذه بالنصيفه

وقلبي بعد كبّ المحبّه تجمل
وابشرك عايش على كيف كيفه

لا خاطر ٍ يكسر ولا دمع ٍ يهل
خسرت لكن الخساير طفيفه

واليوم يا نياف دمّي سوبر شل
ثقيل مير محركاته .. خفيفه

وسلامتكم