حافز والعجايز

[منصور تراحيب الشيباني]

مشكله مابين حافز والعجايز = من يعالج مشكلتهم ياجماعه
جيت عند البنك وليا الوضع بايز =قمت اراقبهم حوالي ربع ساعه
معركه بين النفايل والخزايز =مايفوز الا المتينه والشجاعه
وحده بالشون واخرى بالبلايز = كلهم يشكون من جور المجاعه
وحده قالت مع الراتب جوايز = وحده تحلف تقول العلم اشاعه
قلت هذا الوضع ماضني بجايز= قالو اسكت خلها سمعن وطاعه
قلت ليش اوقالو اتشوف الجنايز = نصها مايت وهو ناقص رضاعه
وانسحبت وكني ابدنياي فايز= وشفت جنبي شايبن راكز كراعه
ضاع مفتاحي وضايع له عوايز= خايفن مثلي ولحق العود راعه
قلت وشبك قال شفت الموت حايز= انج كب انثاك فرقاها طماعه
قلت انا ماجبتها لو كنت عايز = جيت اشوف العلم وليا العلم ضاعه