الجار قبل الدار .... مهم مهم

[ماجد الهذلي]

هذي قصيده إجتماعيه للشاعر الكبير مسلم بن شعيل الهذلي

قام بزيارة أحد أصحابه فوجد من جيرانه من يزعج هذا الصاحب الغالي عليه فعبر عن هذه القصيده

تااامروون عليها

يوم البيوت من الشعر والتيازير =كل ٍ قبل ما ينزل يعرف جاره
مع إنه ليا جاء من الجار تقصير= يقد يغير منزله من نهاره
يقفي ويقبل سام من المخاسير= لا شال هم ولا تحمل خساره
كيف الذي قافيه هدم ٍ وتعمير = وديون من شان الهدم والعماره
يتعب من الماقف ويخسر دنانير = وأقساط كل آخر شهر في انتظاره
ديانت ٍ ما يقبلون المعاذير = منهم يحصل كل يوم ٍ زياره
فالبيت حازينه عصر بالمسايير= وفالصبح يلقى نصهم فالأداره
هذا الذي لازم يدور هل الخير = يختار ويعيد النظر فأختياره
بعد الخساره ما تفيد التفاكير = أليا لصق جدر الردي في جداره
يصبر على صوت الغنم والعصافير = اللي لجار السوء فيها تجاره
وإجازة الأسبوع عزف ٍ وتصفير = من عصر كل ٍ يختبر صوت طاره
وبعد العشاء قاموا صفوف وطوابير = اللي يمين الباب واللي يساره