مرباعها من ورا حــــبران والغوطــــــه... ولاعودت لين برق الصيف ناداهــا
ولاحسب لضما والبعد وضغوطـــــــــه... قامت تناحا تهوم البعد بيداهــــــا
مشين تعداحدود المشي وشروطــه...قامت تحدى المسافه ماتحداهـــا
تسرح اليا بان نور الفجر بشعوطـــــه... واليا اقبل الليل بالقوه قهرناهـــــا
خمسه وثمانين ممشايوم مصفوطـه...ولو ماقـــصـــرنا عليهـــا تاتعــــداها
سود اكبار الجبال زيان مضبوطــــــــه...قلايع القوس ملفي ماشرينهـــــــا
يسري به والعرب في النوم مغطوطه...وليا لحقها الطلب بلماس يحماهـا
يوم الليالي بكثـر الشـــر مــحيوطـــه...يارد سهوم المنايا ويتـــوطاهـــــــا
فعول ملفي بلوح الحفظ مخطوطــــه...من كثر هـــراجها ولـــوماكتــــبناها
واليوم ترعى بضل الحكم مبسوطــه...في ضل صقر الجزيره بس نرعاهــا
اليوم كلن سلاحه في يده سوطــــه...ادنى عصاتن معبرته تعصـــــاهــــا
البندق اللي بوقت الجهل مقروطــــه...وقت الجهل والعداوه قد نسيناهــا
واغراضنا عن بنات الهجن محطوطـه...في نعمتن دامها الله ماحصيناهــــا
وصلاة ربي عدد ماتنبت القوطـــــــه... وعدة ثعول المطـر لانـــثــرت ماهـا
على نبين تلقى الحق بهبوطـــــــــه...نورن سطع لان كل الارض غطاهــا
« آخـــر الـــمـــشـــاركــــات »
20-Jul-2011, 04:44 PM
اليوم ترعىبضل الحكم مبوسطه الشاعر بدر القوس
العرض الشجري