اي والله العضيان وابليس ملعون؟؟؟؟؟

[((الدلبحي))]

هذه القصيده قالها الشاعر سلطان بن وسام الهاجري في سعد بن غازي العضياني العتيبي وهو من الرجال الذين يعرفون بالطيب والعلم الغانم وهو احد المرافقين الخاصين لصاحب السمو الملكي الامير سلطان بن عبدالعزيز ال سعود
ويقول :

ياصاح كلم لي سعد بالتليفون=كانه من العضيان لي فيه حاجه
قوم تزيد اديون وتخلص اديون=لضد ضد ولرفيق ابتهاجه
اليا اعتزى واخر عزاويه تكفون=ردوا هل العطفه وفلوا احجاجه
وان ركبت الجمره على كل غليون=يعدلون اللي براسه عواجه
تارد بهم جرد السبايا ويردون=والهم على جمع الخفيف اندراجه
اي والله العضيان وابليس ملعون=حماية العطفه نهار المواجه
غنيت والشعار غيري بيغنون=باللي راوه اليعربي والخواجه
واللي دفعني لين غنيت هاللون=شعري كذا مدح النشاما مزاجه
افخر بسمعة كل طيب ودندون=والافلالي فالاجاويد حاجه
افهم كلامي يابوغازي ولاتهون=واللي يمر السوق يعرف خراجه
والاختصار افضل على مايقولون =مازاد عنه الهرج يصبح سماجه

وسلامتكم