اريد نقد ابوفايح والاخوان على هذي المحاورة

[خالد السويداني القحطاني]

المحاورة جرت في احدا المنتديات واريد معنى المحاورة يابوفايح انت والاخوان
بين الشاعر ابوتركي وغنام
يقول ابوتركي

غنام

ابوتركي

غنام

ابوتركي

غنام

ابوتركي

غنام

آخر تعديل خالد السويداني القحطاني يوم 27-Apr-2011 في 10:47 PM.

[خالد السويداني القحطاني]

[خالد السويداني القحطاني]

سـلام رديـة وفـا تمشـي علـى تقـوى وديــنابـدي بهـا لاهـل المواقـف والعـلـوم الوافـيـه

غنـام مـن دنيـاك وش تحتـاج بـعـد الاربعـيـناعطيـك اشـاره والاشــاره للنشـامـا كافـيـه

يامرحبـا بـك بالنيابـه فـي حــلال الغانمـيـنترحيـب يامحمـد لـيـا قلـتـه يجـيـب العافـيـه

لاشبع ابوتركي علامـه يدحـم الجنـب المتيـنمايـدري انـه لا مشـى فالقيـظ رجلـه حافيـه

تبقى ويبقـون الرجـال اهـل الوفـا والطيبيـنوالقلـب صافـي ياعميـلـي والنـوايـا صافـيـه

تقولـهـا وانـتـه تـبـى تصـبـح تبيـعـن للثـنـيـناللـي مـن احـداث الليالـي خلـو المشرافـيـه

انته تبي تحكم على الموضوع مالك غير عينوالعيـن ماتحكـم علـى موضـوع ماينشافـيـه

اهرج معك وامازحك وآخذك في حكمه وليـنواليـا بطشـت تمـوت ماتلـقـى عـبـاةً دافـيـه

الوضع واضح مايغره راعـي القلـب الفطيـنبالعولمـه ماعـاد بــه حـاجـه تظـلـي خافـيـه

وشلون تبطـش وانـت للاجـواد ماتقـدر تبيـنتهـرج ووقـت الفعـل مالـك حيـل يالخوافـيـه

مانـي مضيـع ماغنمتـه فـي بـدر والا حنـيـنيالـلـي تجـيـك مـبــرده والـبــارده تنعـافـيـه

انـا عطيتـك زهلتـك يابوشنـب ذيـك السنـيـنيومـن صوتـك مختفـي فـي ديــرة العرافـيـه

بدر وحنين اللي حضر فيها رجالـن صالحيـنوانتـه جمعـت الـلـي جمعـتـه الاوادم غافـيـه

نسيـت يومـن انـا نمـدك باليـسـار وباليمـيـنتـبـغـا تحـرفـهـا ولا تـلـقـى لـهــا محـرافـيـه

الظاهر انك تجهل التاريخ من عصر الحسيـنلاكــن راجــع موقـفـك يـاداعــم الاحـلافـيـه

حـاول تغنـي عنـدنـا فــي غـيـر ذي القافـيـهليتك تمد ربوعك الادنين فـي كيـس الطحيـن

آخر تعديل خالد السويداني القحطاني يوم 28-Apr-2011 في 12:08 AM.

[فهد الزهراني]

المحاورة طيبة واعتقد فيها اخطاء املائية اضعفت من بعض البيوت مثل آخر بيت

هل الشعار من الشعار المعروفين ومن المستحيل معرفة المعنى بدقة وخاصة اذا كانوا شعار منتديات او غير معروفين لأنهم يتكلمون ربما عن اشياء تخصهم

لكن ارى فتل ونقض على المعنى الظاهر بشكل جميل ولكن في بعض البيوت قوية وبعضها وسط وبعضها ضعيفة حسب رأيي المتواضع

هل الشعار من قبيلة واحده ؟

اعتقد شاعر يسأل زميله ويقول انك تريد الاحتراف الخارجي وتلحق باثنين سبقوك في هذا المجال وانت ماعندك قدره وفات عليك الزمن (الاربعين) والله اعلم

تحياتي لكـ

[خالد السويداني القحطاني]

الخطاء فالبيت الاخير ويعني يدريبه اي واحد
واما المعنى فتعرفه انت شخصياً لم يكن بينهم
معنى نعروووف لدى المجتمع
ولاهنت على مرورك

[سلطان البقمي]

بعد الا ربعين هو الزواج اذا فيه معنى صحيح والنقاش في هذا المعنى



اذا هم شعار لأن الرمز البيت من الشاعر البادي يدل على ذالك




تحيتي

[خالد السويداني القحطاني]

خطاء
مشكووور
على المشاركه لاهنت

[ابو فايح]

إن كان وقت تاريخها قريب


أعتقد تتحدث فالامور التي فالمنطقه وكأنها في سفيه لندن أو في بعض من هم على شاكلته

لان فيها رموز حول ذلك

[خالد السويداني القحطاني]

سلامتك يابوفايح
المحاروة لها شهرين
بالكثير
ولاهنت على مرورك

[فهد الشهيب الثبيتي]

المحاوره تدور حول احد الزعماء العرب وهو الطرف الثاني والمعارضه وهو الطرف الاول وتفصيلها كالتالي وسأحاول الاختصار في الرموز الواضحه والمفصليه في المحاوره رغم اني لست محلل ولكن لسبب اعجابي بالطاروق ولأنه لم يأتي احد بحله حتى الآن

غنام من دنياك وش تحتاج بعـد الاربعيـن
اعطيك اشـاره والاشـاره للنشامـا كافيـه

هنا المعارض يسأل الحاكم وغالبا انه يسأل القذافي , ماذا تريد بعد اربعين عام من الحكم ومن هنا انطلاقة محور المعنى

لاشبع ابوتركي علامه يدحم الجنـب المتيـن
مايدري انه لا مشى فالقيـظ رجلـه حافيـه

وهنا يجيب الحاكم بأنك مجرد مواطن وبسبب ماوجدته من الخيرات بدأت مطامعك تكبر وبديت تطمع في اشياء ومواقف اكبر منك


تقولها وانته تبـى تصبـح تبيعـن للثنيـن
اللي من احـداث الليالـي خلـو المشرافيـه

هنا يرد المعارض بأنك سوف تتبع طريق زين العابدين وحسني مبارك لامحالة

وتسير المحاورة على هذا النهج حتى تنتهي

وعدم تحليلي لباقي البيوت هو عدم وجود الوقت الكافي بالرغم من روعة الفتل والنفض الموجود في طياتها

نقطة اخيرة : المحاورة جميلة جدا وتم رسم المعنى فيها بشكل مميز وصحت السنة الشعار والحقيقه انهم ابدعو

لاهنت يالجبرتي على ايراد هذا المحراف الجميل وكان تعرف الشعار وجه لهم دعوه باسمي وباسم منتدى الهيلا للانضمام لهذا الصرح

هذا ماعندي واعذروني على الاطاله وفي النهاية هذا التحليل قابل للصواب والخطأ

التوقيع

برقا وروق أبنا ثبيـت الاصيليـنومن ثبت اصله شرفه واعتزابه

آخر تعديل فهد الشهيب الثبيتي يوم 28-Apr-2011 في 09:03 AM.