ياللي فرحتو أمس بإعدام صدام.! // بالله قولو وش حصل عقبه اليوم.؟
حل الأمن ولا دعاية وأوهام.! // وهل العراق اليوم مافيه مظلوم.؟
أنتم حكمتم فالبلد حكم الإعدام // هذا العراق اليوم بالظلم معدوم
هذا العراق اليوم للدم حمام // والشعب كله من قسى الوضع مضيوم
ربعه هلك والنصف جايع ومنضام.! // وربعه نزح لاجئ من الفقر معدوم
خير العراق الزيت والغاز والخام // تقاسموه الغرب مع سادة القوم
حكومته عند المعادين خدام // تأخذ أوامرها من الفرس والروم
هذي حقيقه تعكس لزيف الإعلام // يوم الحقيقه نورها دونه غيوم
مرحوم ياللي جيت للموت مقدام // ياللي فراقك للعرب يوم مشئوم
موتك وشنقك صفعت(ن) لهل الإسلام // في عيدهم تذبح ولحدن نطق لوم.!
ياللي كتمت الرافضة عدة أعوام // فعلك ترى في صفحة المجد مرسوم
تبكيك ياصدام أرامل وأيتام // ويبكيك حر(ن) عقب فرقاك ملطوم
لو (زلتك) ماتنتسى طول الأيام.!! // بس الخطا وارد ولا فيه معصوم
لو أقعد أكتب عنك بتجف الأقلام // معروف ياصدام عساك مرحوم
أبيات تشرح حال بغداد صدام // مضمونها واضح وللناس مفهوم
الشاعر/ رامي الروقي
« آخـــر الـــمـــشـــاركــــات »
15-Nov-2010, 04:45 AM
رثااء في صدام ..!
العرض الشجري