قصيده اهداء الى الشيخ / متعب ذعار القبع العازمي العتيبي

[محمد القبع]

بسم الله الرحمن الرحيم



:: قصيدة اهداء الى الشيخ / متعب ذعار القبع العازمي العتيبي ::





لو جيت اشارك واهني مـاش علمٍ جـديد *** امارة القبع من ميــة وخمســــــين عــام

ما اقول غير الف مبـروك وعســاها تزيد *** حيث انها مــن بدايتها مافـيـــــها حـرام

عمر بناها بمجهـــوده ورايه ســـــديـــــد *** راعي شـداد قديم ومنــــــزله بالسنام

امارةٍ ساسها ســـاسٍ عزيز وجــــــويــد *** تبقى عــزيزة واهـلها جـــارهم مايضام

يوم ان ابـــوها رحل مانام عنها الحفيـــد *** ولا نام شبـــل الحفـيد وحـظها ماينـــام

القبع تعرف فعـــــــوله بالزمان العـــــنيد *** يوم انحلال النظام وقبـــل حكم الامـــام

وبعد حكمها معـــــزي دون شـرطٍ وقيـــد *** ساهم بخدمة بـــــلاده واعــتدال النظام

الحــر مثله يصـــــــــيد الطيبات ويفــــــيد *** يفيد ربعه وستـــــــر مرودعات الوشــام

القبـع عنده شجـــاعة خـــالد بن الــوليــد *** بالمرهفات الحداد اللي تقص العـظام

خناجر المــــــــوت وردها لحبل الـــــوريد *** والاشقر اللي يثور من الفشق والحزام

القبــع عنده كـــرم حاتم كـــــرم مايبــــيد *** منــاسفٍ فــوقها اذناب الهرافى ايــدام

يمد من مايجـــــــود ولايـمد الــزهــــــــيد *** وامـــارته ثابته في حــــرب والا ســـلام

كل المــــــراجل جمعها تحت كمه رصـــيد *** جاهد وحـــافظ على دينـه وصلى وصــام

لو اني املأ الجـــــــرايد والدفاتر قصـــيد *** ما احصى فعايل عمر عسى عمر للرحام

امارته ساسها اقوى من الحجر والحديد *** ومادام حـــيٍ قبع يحــرم عـليها الهـــــدام

ارجي من الله عسى من مات منهم شهيد *** والحي يبقى مـكرم في مقــــام الكـــرام



:: الشاعر : تراحيب بن سويلم العتيبي ::

آخر تعديل محمد القبع يوم 23-Sep-2010 في 06:43 AM.