من قصائد / عبدالله بن معدي المكيلي السيحاني

[خالد السيحاني]

بديت باسم اللي نفخ بآدم الــــروح
. . . . . . . . . الخيّر اللي بالسموات عـــــالـــــــــي
مالي برجوا الناس غايه ومصلوح
. . . . . . . . . أرجوك ياسمع دبيب النمـــــــــــالي
يامغرق (ن)فرعون يامنجين نـوح
. . . . . . . . . يوم التقى الماء فوق روس الجبالي
طالبك تقبل توبتي قبل مـــــا روح
. . . . . . . . . للمنزل اللي فيه أبسسكن لحالـــــي
يالله تجعل ما كتب لي على اللـوح
. . . . . . . . . تكفير عن كل الذنوب الثقالـــــــــي
ما دام بابك للمخاليق مفـــــــــتوح
. . . . . . . . . اغفر ذنوبي يا عزيز الجلالـــــــي
هيضني اللي قام يومي على الضوح
. . . . . . . . . يبي يرد الفي والفي زالــــــــــــــي
يبي يرد النا مراويح وســـــــروح
. . . . . . . . . وهذاك وقت (ن) راح عبر الليالي
لو نضت يارجال يرك الصـــــــوح
. . . . . . . . . ولا دامت الدنيا لزيد الهلالـــــــــي
يابو علي كان (ن) في قلبك جروح
. . . . . . . . . اعرف ترى حالك تشابه لحالـــــــي
يوم الجهل وانا لي الدرب ممسوح
. . . . . . . . . ابيع واشري في هوى كل غالـــــي
من شان غزلان المها ترخص الروح
. . . . . . . . . أرد لو إن الما بعيد المنالـــــــــــــــي
واليوم عن ما فات عساي مسمـوح
. . . . . . . . . وما فات مات ولا نبي له مجالـــــي
وصلاة ربي عد ما يثمر الـــــــدوح
. . . . . . . . على النبي اللي به الشرك زالـــــــي

==================================================


يالله ياللي له جميع المطاليب
. . . . . . . . . . . . يا مغير ٍ صلف الهبايب بنسناس
يا مشفي المرضان ياعالم الغيب
. . . . . . . . . . . . إن تشفي اللي فاقد ٍ بعض الاحساس
قعدت في بيتي تقل بين أجانيب
. . . . . . . . . . . . وفي وسط حي وكن ماني مع الناس
دنيا ً تغير صافيات المشاريب
. . . . . . . . . . . . دايم واهلها بين طرقي وعساس
والقلب دكت به هموم وهناديب
. . . . . . . . . . . . الليل كله بين هاجس وهوجاس
وراك يا الصاحب تخل المواجيب
. . . . . . . . . . . . طاوعت هرج أهل النميمه والانجاس
يارجل عديبي طويل المراقيب
. . . . . . . . . . . . الله يرفع عنك يارجلي الباس
يارجل عديبي على مرقب الذيب
. . . . . . . . . . . . يارجل ابا أخذ لي على الرجم مرواس
ضايقني المقعاد بين الرعابيب
. . . . . . . . . . . . دايم وانا بالي من الضيق منحاس
والامر لله دون شك ٍ ولا ريب
. . . . . . . . . . . . الواحد اللي خالق ٍ كل الاجناس