من يظن ان الطريق المعروج مستقيم

[صالح سالم]

يا سلام الله سلام المسافر للمقيم = يوم انا لا الجمع جمعي ولا الدار بلدي
من يظن ان الطريق المعروج مستقيم = ينتحي عني ويمناه لا تصافح يدي

[سويلم الشيباني]

مرحبا بالطرقي اللي لفا الجمع الكريم=خير لاهل الخير والشر يلو المعتدي
نعرف ان بليس ملعون وان الله رحيم=مار هات علومك اللي كما الزهر الندي

آخر تعديل سويلم الشيباني يوم 23-May-2010 في 12:57 PM.

[صالح سالم]

عقب ما ازهر واخضر العشب في روضة خريم=كيف يبس العود والارض قاعٍ جرهدي
وانت تعرف من دعاء بين مكه والحطيم =مطلبه طيب المكاسب ليوم الموعدي

[جـفـن الهواجر]

ياسلام ياسلام

ابداع ابداع

صالح سالم +الشيباني =ابداع

>>>>>> متابع لأبداع والجزاله المفغمه للفائده

[البشيري]

صح السان الشاعرين0

.................................................. ........................

[صالح سالم]

جفن الهواجر
صح بدنك

متابعتك تشريف طال عمرك


البشيري

صح بدنك

اشكرك على المتابعه

[سويلم الشيباني]

يوم لاح البرق والارض ماليه بديم=كل عرق(ن) حي زامي ولازام الردي
اصلح النية مع الله بالقلب السليم=وان طلبت الله يالعبد قولي المقصدي

[سويلم الشيباني]

جفن والبشيري صحت ابدانكم والمعاني في بطون الشعراء

[صالح سالم]

الزعيم اللي عهدناه ما عاد الزعيم = طاح كرته عقب ما كان من فوق الجدي
وانت لو تعرف بفرق الجديد عن القديم = كان شفت الفرق بين المبارز والعدي

[سويلم الشيباني]

ماطمع في ريس القوم رجل(ن) غشيم=لو سرى بالليل ووحى عوى الذيب يغدي
انت ميز بينها خل رجل(ن) فهيم= وان جهلت الفرق ماهوب عيب(ن) تنشدي

آخر تعديل سويلم الشيباني يوم 23-May-2010 في 02:43 PM.