الجلاوي صقر البقيلي

[المثالي]

الجلاوي


يا صقر واتحية الاسلام
اول ما قوله وما ابدي به
قدام تشنق مثل صدام
ابعد عن الضلع واشعيبه


صقر سليم



لك مثلها والسلام اختام
كل ٍ تسده هناديبه
لو انتهى راس ابو عرام
تنهيك رفسة عراقيبه



الجلاوي


لو تسهر الليل ما تنلام
ردوك عن شفك عتيبه
قدام لا نكفل الايتام
بانت بوجهك مضاريبه


صقر



باقي عليكم ثلاث ايام
كل ٍ يفتش دواليبه
اونته عتيبي وسبع انعام
لكن ما عاد الك هيبه


الجلاوي


شعيل يرثع وفيه اخطام
ما فيه شك ٍ ولا ريبه
انا عتيبي جويد احزام
ولي كف تدمي مضاريبه


صقر



من بعد فلونزة الاغنام
رد الدبش لا تجيني به
يا طيب سلطان ما ينظام
يضحك والاسنان تركيبه



الجلاوي



انته تقول ان فيك ازكام
اخاف يا صقر ضاوي به
ما فيه امل تطول الاقزام
وانت القصر وش تسوي به



صقر




ابشرك محتسي كمام
قدام سلطان يعدي به
ما انامنك تزرع الالغام
لو وسط مسجد تصلي به


الجلاوي




انت المرض جايك من العام
مير اللحن لا تغني به
ما انت بموذن ولا انت امام
دور على شعب تمسي به