ياسلام الله سلامن يزيد الطيب طيب أقربوووا ياشعار !!!!

[عبد العزيز العبدلي]

ياسلام الله سلامن يزيد الطيب طيب=عد ماتمطر مزونن تدن ارعودها
ياعتيبه كلكم ريح مسك وريح طيب=القيبله كلّها شبلها لاعودها

[سويلم الشيباني]

مرحبابك يالمسلم من الراس الصليب=عد ماهبت مذار الهبايب نودها
ماعليكم زود يامطير شبان(ن) وشيب=ولعزيز العبدلي قسمة(ن) من زودها

آخر تعديل سويلم الشيباني يوم 14-May-2010 في 06:13 PM.

[علي الشهراني]

صحت السنتكم جميعا



و لكن الظااهر ان العبدلي يبيها شقر



متااااااااااابع

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[سويلم الشيباني]

صح بدنك يالشهراني والشقر يكون في عجز البيت مهوب في الصدر

[علي الشهراني]

و لا تزعل يا القنعير



مجرة وجهة نظر و فوقها حبة خشم

[سويلم الشيباني]

ههههههههههههه

الزعل وش جاب طاريه يالقرم ووجهة نظرك على العين والراس من فوق