كتبت بيت لكم يليت تعجبكم الشاعر المعروف ابن سحيم

[ابن سـحـيـم]

للشعر عند أهل الكرامات برهان
ولا كل من رام الطويلات جاها


بديت قاف(ن) يتبعه بعض قيفان
البيت كوكب والمعاني فضاها


لا شك مدح الوجه سبه وحقران
لكن بعض الناس يطرب نباها


ولاني مدور من ورى المدح عرفان
لاشك نفسي سامية في سماها


يا العز سلم لي على حمود هتلان
راعي العلوم الطيبة منتهاها


ناصر قوافي الشعر في كل ميدان
تشهد قصايدنا ويشهد صداها


حافظ على الموروث من دون نقصان
يوم إن بعض الناس تقفي وراها


وشعر الفصاحة برَّه بدون جحدان
وأرض الأصالة تعطي اللي عطاها


لا شك ما أقول إنك أنت أعظم إنسان
لكن مثلك نادر(ن) ما يضاهى


يا كيف وأنته من سلالات قحطان
أصل العروبة مجدها مبتداها


قوم(ن) بنوا للمجد قلعة وبيبان
قحطان قصة تتعب اللي قراها


فعل المراجل ما يقدر بالأثمان
والمرجلة تتعب خطاوي فتاها


ويفوز من يمشي على نهج الإيمان
ناس(ن) لفعل الخير ربي هداها


ويخيب من يتبع وساويس شيطان
قدمه جهنم يشتعل به لظاها


يالله يالمعبود غفران غفران
من قبل ما روحي تغوص بشقاها


وعداد ما سالت مسايل ووديان
وعداد حبات الرمال وثراها


على النبي اللي نشر خير الأديان
صلاة ربي عطرها محتواها




وقد جاء ردي على اخوي الرومي ع اداء الجميل بهذا الرد الذي اتمنى ينال اعجاب الجميع



حي الجواب اللي لفاني مسيان
من راس من روس المدايح خذاها
خطٍ لجزلات المواريد عنوان
من راس قرمٍ مايدور جزاها
ساعة قريته شب بالقلب بركان
نارٍ بوسط القلب زود لظاها
ماهو زعل لكن محبه وصفطان
وتقدير للي سامها ثم شراها
لاهنت ياراع المواقف كحيلان
ولاهان من جزلات شعرك قراها
ربعك هل الطولات ذربين الايمان
عتيبه الهيلا بعيدٍ مداها
اللي لهم في كل ميدان ميدان
مثل النجوم العاليه في سماها
سعد الخوي في ساحة الحرب شجعان
وربي من كرام السجايا عطاها
وحنالكم وانتم لنا درع وكنان
ويمنىً بلا يسرى قليلٍ حلاها
ورجلٍ بلا ربع وعواني وصحبان
يموت.. نفسه مايهوْن عناها
ومن لايفكر في تصاريف الازمان
ويصبر على جور السنين وبلاها
ولايستمع في هرجة فلان وفلان
ونفسه عن دروب المهونه حماها
ويطلب جليل الملك رحمه وغفران
وفروض ربه في الوعد مانساها
لابد مايلقى تعاسه وحرمان
ويذوق من سود اللي جفاها
عندي على قولي دلايل وبرهان
وحجه بلا برهان محدٍ وحاها
هذا جوابي يوم قافك على آن
ياشاعرٍ كل المدايح خذاها
وابا السموحه منك وان صار نقصان
والا القصيده كان طول بطاها

ابن سحيم

آخر تعديل ابن سـحـيـم يوم 15-Mar-2010 في 07:39 PM.

[جزاء العتيبي]

الاخ بن سحيم

صح الله لسانك ولسان الرومي


والله يعطيك العافيه