الشاعر السداد!!

[سفرالبرقاوي]

كل عام وانت طيبين اول مشاركه
واللي قريب يتفضل

سلامي عليكم ياهل المنتدى البراق = سلام ٍ نسوقه للرجال المطاليقي
نبي شاعر ٍ ماهر ومعها وسيع اخلاق=رفيق ٍ ينومس صاحبه حزّة الضيقي

[فهد الشيباني]

وانت طيب .. وحياك الله

هلا مرحبابك ياسفر ملي الاوراق = تراحيب شاعر حسب نص المواثيقي
يجيك الخبر مثني عقب نجمة الاشراق = يجوز ان بعد القول ماتبلع الريقي

التوقيع

.. ارسم لنفسك حدود الخطوه المنظومه واحذر احذر لاتزل اقدامك وتاكلها الحياه الفانيه في ناظري معدومه كان ماحددت قمه للهدف تاصلها

[فهد الشيباني]

وين رحت ياسفر .. الهمام ...

[سفرالبرقاوي]

البقاء والله يسلمك




واستلم

تراني يابن شيبان بالملعبه ذواق = وادّور على رجل ٍ سنافي وذويقي
رفيقك تعود يحفظ العهد والميثاق = ولكن معاكم كيف حال المواثيقي

[متعب المقاطي العتيبي]

ياسلام ياسلام

صحت افكاركم


متابعين والصف صفك يـــ بن شيبان


ولا يهون اخوي سفر

[عيد بن مرضي]

يا سلام ...



سفر البرقاوي - شبل شيبان



صحت الالسن والقلوب ... ونبغى نشوف الضرب فـ / الصميم ههه



ودام ندواي في صفك يا شبل شيبان ... انا في صفك يا سفر البرقاوي



وتراني متابع للطاروووووق

[سفرالبرقاوي]

صح ابدانكم جميع







عيد بن مرضي



بيض الله وجهك


والصف يزهابك



تحياتي

[فهد الشيباني]

المشاركة الأصلية كتبت بواسطة نداوي

ياسلام ياسلام

صحت افكاركم


متابعين والصف صفك يـــ بن شيبان


ولا يهون اخوي سفر

صح بدنك يانداوي .. والصف يزهابك ..

[فهد الشيباني]

المشاركة الأصلية كتبت بواسطة عيد بن مرضي

يا سلام ...



سفر البرقاوي - شبل شيبان



صحت الالسن والقلوب ... ونبغى نشوف الضرب فـ / الصميم ههه



ودام ندواي في صفك يا شبل شيبان ... انا في صفك يا سفر البرقاوي



وتراني متابع للطاروووووق

حياك الله ياعيد

وصح بدنك .. وتشريفك اكبر شرف ..

[فهد الشيباني]

انا لازم اوثقك باوثاق واوثاق = على شان ما تغرق في بحرن عميقي
ترى الرجل لاواعد يلازمه الاصداق = وان اخلف وعوده ماايجيلي صديقي