علي بن فلااااااح اقرب جاي

[شايب كم]

سلام رديه تعدى مثل برقٍ في سحاب=ياشاعر مانيب عارف حسنته من سيته
ان ماهداه الله كويته في الذهاب وفي الاياب=لين اني انجض ياعتيبه بالمياسم كيته

[علي فلاح العضياني]

يا مرحبا ترحيب يلمع مثل لمّاع السراب=يا شاعرٍ مع عزوته ما هو مصفّي نيّته
احسب حسابك قبل ما تضرب بسوطٍ من عذاب=ماني على كيف الرخوم أهل الوجيه الميّته

التوقيع

(( رأس الحكمه مخافة الله ))

[ربح السبيعي]

بدايه قويه ورد وافي


صحت السنتكم



واصلو وحنا متابعين معكم

[شايب كم]

دام البقاء للي خلق وانذر عدوه بالعقاب=واوعد عباده يوم تقرير المصير بفيته
انا ادري انك كبر ضلع طويق يرقاك العقاب=الخير عنا تمسكه والشر عنا بيته

[شايب كم]

صح بدنك

يا

ربح

[علي فلاح العضياني]

منّا العدو يونس على كبده حراره و إلتهاب=بالرجل ندعس عقرب الوادي و ندعس حيّته
الضلع أخير من الزريبه ما عليها الاّ الغراب=يالشاعر اللي فوق راسه قالبٍ طاقيّته

[شايب كم]

انا ادري انك ظفر ماتحسب حساب ولاتهاب=من خوف عنتر لو يشوفك مايمد يديته
السيل من تحتك يسيل وتمتلي منه الشعاب=لكن يالله تحفظ الفالح لعين اوميته

[نوآف الغنامي]

هههههههههههههههههه


هذا والله الهجـــآد







صحت السنتكم



متااااااااابع عن بعد

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[علي فلاح العضياني]

يا هون ذبح أمّ القرين اللي تحرث عن النصاب=ما همّت اللي في حزامه شايلٍ جنبيّته !!!
ان كان سال السيل فافتح فمك و أبشر بالشراب=لو مات ابو شيما ما أحد يبكيه غير بنيّته !!!

[شايب كم]

اثر السلامه ياعلي شيلت يديّ عن التراب=اللي لقينا في وجيه اخصامنا ماريته
هذاك قسمك وان بغيت الصدق والعلم الصواب=شكلك مثل شكله ودايم هيتك في هيته

آخر تعديل شايب كم يوم 07-Jan-2010 في 10:38 PM.