قصيدة الشاعر متعب بن مثعي الغربي ورد عليه

[ابن مثعي]

بسم الله الرحمن الرحيم

السلام عليكم ورحمه الله وبركاته

هذه قصيدة للشاعر متعب بن ضيف الله الغربي رحمه الله
وهي موجهة للشاعر مطلق الطايعي الهاجري




العين تشك السهر والصدر يشك الهموم وانا اشتكي من غرابيل الدهـر كلهـا
ياطير لاوهنيك لـك جنـاح وتحـوم وان عفت من شجرتن ماجيت في ضلها
وليا جفتك الدير لو الـك فيهـا لـزوم انهض بصدرك وجنحان السعـد فلهـا
العلم ياطير لونـك تصيـر امحكـوم وانتها تبي حاجه وازريـت تاصلهـا
العافيـه والسلامـه للبشـر ماتـدوم والروح ماعاد تـدري ويـش باقلهـا
يامطلـق الطايعـي ماينفعـن العلـوم كم واحـد حـاول العقـده ولا حلهـا
ياشين طول الصبر ياشين لفح السمـوم وياشين دمعـة كبيـر القـوم لاهلهـا
هدا زمان الحنادي والرخـم والرخـوم تبـدي تباشيرهـا والوقـت صافلهـا
والله مهمـا يطيـح الحـظ والا يقـوم اقول عز النفـوس اخيـر مـن ذلهـا



وهذا رد الشاعر مطلق الطايعي




اتلوم وقتك ولا تـلاّم ياللـي تلـوم الوقت سيـفٍ علينـا سلّتـه سلّهـا
لو يشبع البطن زاد وتشبع العين نوم ما تشبـع النفـس والعليـا تخيلّهـا
دنياك ياللي على الدنيا تشن الهجـوم دنياك مخلوقتن لك ومخلوقـن لهـا
العالم أحد وأحد والوقت يوم ويـوم دنيـاً دنـيّـة تملّلـنـا وبنملّـهـا
يا متعب الغربي البيدا تبيد العـزوم اللـي يحمّـل حمولتـه يتحملّـهـا
ما ينّجم راس رجّالٍ يعرف النجـوم اللي يعرف النجـوم اليمّـة يدلّهـا
منادقن بالحكي ومنادقـن بالخشـوم عاشت عليه أكثر العربان وافطن لها
هذا زمان الرخوم الله يعز القـروم اللي تزيّـن لمزيـونٍ تزيّـن لهـا
مضيّعين المذاهب مخلفيـن السلـوم ريال عن دينها وريال عـن دلّهـا
قدّامك تصير رَبع وخلفك تصير قوم لا جمّل الله حـال اللـي يجاملّهـا
توفّر الكذب لكن الصحيـح امعـدوم والكذب ما قوّم الساعة قبـل حلّهـا



وفي الختامة
السلام عليكم ورحمه الله وبركاته