مجروح ياقلبي

[أبو ثامر الشيباني]

السلام عليكم ورحمة الله وبركاته

من الأرشيف ,,

أ تمنى أن تنال على رضاكم واستحسانكم

مجروح يا قلبي وجرحك عطيبـي = وشلون ابا اداويك من دون دكتـور
دام المداوي غاب والجـرح دوبـه = فـأول بداياتـه مرقـع ومستـور
وشلون لـو طـول عليـه غيابـه = وقمت اتوجع واصبح الحال مدمور
مالي رجاء غير اطلب الله واساليه = انه يروف الحال في خمسة شهور
هذا زمن غيبة حبيبي عـن الـدار = وشلون ابا اشوفه عقب صار مقبور
مرحوم يالطيـب ياقـرم العيالـي = مرحوم يا من خالف أبليس والشور
ماشي علـى سنـة نبيـه محمـد = ومن خالف السنه منافق على الفور
هذا كلام الصدق مـا فيـه شكـه = هذا كلام الصدق ماهوب محظـور
ماني بكاذب فـي كلامـي وظنـي = وماني من اللي ينتظر قول مشكور
ادعو لـه الرحمـه وربـي يثيبـه = وعساه فالجنه وياخذ مـن الحـور