طلب قصيده

[سلطان نايف العضياني]

وجدت في أحد أشرطة الشاعر رشيد الزلامي القديمه قصيده له
ردآ على قصيده لشاعر المعروف نمر بن صنت العتيبي
ولكن أبو جميل لم يأتي بقصيدة نمر بن صنت

وإنما إكتفى بتسجيل رده على نمر بن صنت

فآمل ممن يعرف قصيدة نمر بن صنت اللتي وجهها لزلامي أن يتحفنا بها.

هذا رد أبو جميل على قصيدة نمر
يقول

يانمـر جانـي منـك بـعـض المكاتـيـبوجــددت بالشـكـوى عـنـاك وعنـايـه

لـو الهـوى مافيـه لهـل الهـوى عـيـبالـلـي حصـلـك مـنـه فـيــه الكـفـايـه

وانا أحسبك عقب إمتلا عارضك شيبتـجـوز مــن طــرد المـهـا والـرمـايـه

لاشـك أثـر قلبـك قريـب المحاضـيـبوقـد صـوبـه رمــح الـهـوى فالبـدايـه

وتبي القضا مير القضا عسـر وتعيـبألا يــاكـــود الله هــداهـــن هــدايـــه

وان كـان صابنـك سهـوم الخراعـيـبقضـيـتـي يـانـمـر نـفــس الـحـكـايـه

أنــا الــذي مافـيـه شـــك ولا ريـــبصـبـري نـفـذ والـهــم بـيــح خـفـايـه

أســج واسـهـج عالـيـات المـراقـيـبواشـرب وعيـا يقطـع الـمـاء ضمـايـه

جرحي عطيـب تضيـع فيـه الأطابيـبواختـر عــن بـعـض الـعـلاج الوقـايـه

ولو من جرحني يلمس الجرح ويطيبوالله لـتــوب عـــن الـهــوى لنـهـايـه

هـذا وانـا مالـي عــن العـلـم تجنـيـبشكيـتـلـي وانـــا مــحــل الـشـكـايـه

إنـكـانـهـا بـالـمــال والا المـطـالـيـبفانـت إعتبرهـا ياحـمـر العـيـن جـايـه

بالجـاه عنـد اللـي يعـرف المواجـيـبوبالمـال عنـد الـلـي يـحـب الشـوايـه

وامـا المغـازي دربهـا صعـب وتعـيـبالله جـعــل لـنــاس مـنـهـا حـمـايــه

اليـوم صـار الضيـف بأمـر المعازيـبفــي دبــرة الـلـي يحسـنـون الـولايـه

ولونـهـا يـــوم السـنـيـن الشـلاهـيـبقلـت لـك إخـذ قومـك وخلـك ورايــه

ومن يشـرب الفنجـال يذبـح تراحيـبوالا يـخـشـونــه بـــكـــم الـعـبــايــه

هـذا وسلملـي علـى مـعـدن الطـيـبطيـب الأصـل ماهـوب طيبـن دعـايـه

عـلـى فـهـد سـتـر البـنـي الرعابـيـبلاجــاء نـهـارن مــال شـــره درايـــه

نسل الحرار اللـي بـروس الشناخيـبصاغوا لهـم فـي صفحـة المجـد رايـه

طيـور الفـلاح مسمـمـات المخالـيـبصـويـبـهـم مــالــه بـدنـيــاه غــايـــه

وبـلـغ فـهـد سـتـر البـنـي الرعابـيـبودي بـكـم لــن سـيــر الله خـطـايـه

واللي بحكمه تطلـع الشمـس وتغيـبإزيــارتــه يـانـمــر غــايـــة مـنــايــه

لاشـك تحـدانـي ضــروف ومواجـيـبوعـيـت تـجـي يانـمـر عـلــى هـوايــه

وارجـو إذا أرسلـت بـعـض المكاتـيـبإنــــك تـجـنــب مـايـسـبـب عـنـايــه

رشيد الزلامي

[ابن صنهوت]

ابو تايف جزل وما تجيب الا الجزل

صح السان ابو جميل وسلمت ياولد عاضي ايلوموني في غلاكم يالذيابه


وياليت اعرف قصيدة نمر ولكن للاسف يابو نايف واعدك بالبحث عنها

[سلطان نايف العضياني]

أبن صنهوت

حياك الله ومرورك يكفي لو ماجبت القصيده



هذا تعديل للبيت الثاني

لو الهوى مافيه لأهل الهوى عيب=اللي حصل لك منه فيه الكفايه