زينًٍَِك يفًٍَُِوق الوصًٍَُِِف وصًٍَِفٌُك خيًٍَِالًٍَِي

[مدسم الشوارب]

في شوفتك يااغلى البشر وش جرآلي
من بعد شوفة سيد الزين والعيــن

ياكيف شوفك يآحلالي ومآلي
في وصفكم يعجز لسآني عن الزين

انا اشهد اني لشوفتك دوم سالي
ياوجه النور اللي شعاعه ضلاعين

يازين زينك حطم افكآر بالي
مالك شبيهن بين كل الملايين

زينك يفوق الوصف وصفك خيالي
ماقدر على وصفك ياسيد المزايين

ياورد ياريحآن ياويل حالي
يامسك ياعنبر وجملة بساتين

يعني ترآك اليوم شخصن مثالي
في كامل طبوعك وعينآك حلوين

مانيب لاقايل حلالك حلالي
ولانيب ابد قايل جمالك كرآتين

بس انتظر مني ليآ قلت قالي
شوفك يدآوي قلب مؤمن ومسكين

يازين حظي بشوفتك لاصفآلي
بيني وبينك دون نآسن موالين

وليآ اشوفك صحت بالصوت عالي
وش باقي من بعدك من النآس تالين

ماظن انا بعدك ولا اظن تالي
يجيك من يشبهك بالعسر واللين

الخوف لاقلت انت مالك ومالي
مدري وشيبيصير في الحال بعدين

الله وكيلك كان شوفك طرآلي
تآخذ وعد من بيننآ كلنآ ودين

انكـ تكون الوافي اللي وفالي
وانا بعد بكون وافي لك سنين

واخر حروفي ياسمو المعآلي
في شوفتك ينقص من العمر عآمين

اخوكمـ الشآعر / ثآمر الشيباني