محاورة بين الشاعرين العملاقين مطلق الثبيتي وحبيّب العازمي
وقد جرأت هذي المحاورة في الكويت قبل حوالي 14 سنة في المهرجان الكبير
حبيب العازمي
سلام الله سـلام فيـه تمريـره وضربـت راس=يمـر البـاب الاول ويتمركـز داخـل الثـانـي
انا اشوف الثبيتي قام يضرب بي جمـوع النـاس=علـى جـرة جمـوع النـاس عنيتـه وعنانـي
مطلق الثبيتي
هلا يامرحبا ترحيـب مثـل الكهربـه والمـاس=ليـا منـي شبكـت سلوكهـا طـاح العريبانـي
ترجالك سعد لكـن مـن دونـه قـوي البـاس=ولاتنفـع عصـى موسـى ولا خاتـم سليمانـي
حبيب العازمي
ليا راحت علومك كلهـا حبـر علـى قرطـاس=على راسك يبى يجذب عواهـا الذيـب سرحانـي
مضى وقت مضى واهل القضى بين الرجى والياس=وصحـه وحـده تقتـل لهـا تسعيـن نصرانـي
مطلق الثبيتي
انا ماهمني ضحكة جحـا وهـروج ابـو نـواس=اعرضهـا علـى صفـق الهـوا حتـى تعدانـي
لو ان الرجل يستاهل صناديـق الذهـب لابـاس=لكنـه واحـد جاهـل واعـده مثـل ورعـانـي
حبيب العازمي
يهمك مايهمك ليـش يامطلـق طبخـت الفـاس=وانا خابـرك تعـرف منزلـة غامـد وزهرانـي
انا الشاعر وانا الماهر وانا السابح وانا الغطـاس=وانا اللـي لـو تدرهـم يالثبيتـي مـا تعدانـي
مطلق الثبيتي
انا ما اكره تدوس الجمر لو الجمـر مـا ينـداس=وصدر لانشوفـك بيـن اهـل رابـغ وعسفانـي
تنوش مسجـد الهـادي ودور مسجـد العبـاس=مـدام انـك سواتـي مكتسـي منتـه بعريانـي
حبيب العازمي
انا ما ابغاك تلبـس للعلـوم المخطيـات البـاس=وحنـا مـا نفتـش فـي بضاعـة كـل دكانـي
بنينا البيـت يامطلـق وجودنـا جويـد السـاس=ولن رحنا ولـن جينـا علـى عـز وسلطانـي
مطلق الثبيتي
تفتش في الشجاري والغصـون عروقهـا يبـاس=ليـا جاهـا المطـر دور لهـا خـوخ ورمانـي
انا ابشـر فريـق مايسلـي مايشـوف الكـاس=وكنـه ياطويـل العمـر ماجيـتـه ولا جـانـي
حبيب العازمي
انا ماني بطامع فـي مطرهـا وانتـه العسـاس=لو انك شـارب المـا تجـي وتقـول ضميانـي
صدور الناس ما تسلم من الوسـواس والخنـاس=عسى ربي من الوسـواس والخنـاس يحمانـي
مطلق الثبيتي
ليـا عمسـت علينـا ياحبيـب جعلهـا تنحـاس=وانا مابكي على شانك ولا تبكـي علـى شانـي
ولا يازينها من يوم حرق البـن فـي المحمـاس=ليا شبيت نـار الحـرب مـن زنـدي وصوانـي
حبيب العازمي
تصرف فـي قروشـك كلهـا واعلـن الافـلاس=ولا تقعد سـوات ابليـس بيـن فـلان وفلانـي
ولا يلـي تبـل الـراس دل الـراس لـلامـواس=هذا الموس الحديد اللي يقص الروس مـن دانـي
مطلق الثبيتي
انا عندي ذهب صافي وعنـدي فضـة ونحـاس=لكنـك ياحبيـب ماتحـصـل نــص ديـوانـي
بعد حطيت بعض الروس بين النـاب والاضـراس=ابقضمها واجـر الصـوت بكـره بيـن عمانـي
ولكم تحياتي
منقوووووووووووووووووووووووووول
« آخـــر الـــمـــشـــاركــــات »
05-Jul-2009, 09:11 AM
انا الشاعر و انا الماهر و انا السابح و انا الغطاس=و اناالي لوتدرهم يالثبيتي ماتعداني
العرض العادي
