الشاعرالشاب/ عماد بن سلطان بن فيحان المرشدي العتيبي

[سعود العصيمي]

هذه القصيدة تعبرعن نفسهاوقد ارسلها علي
الشاعرالشاب/ عماد بن سلطان بن فيحان المرشدي العتيبي
امس 17/4/1430هـ على الجوال وحبيت انزلها في منتدى الهيلا شاكرآ له ماجادت قريحته به من ابيات الشعر الطيبه
وانشاء الله ياصله ردها مني عن قريب
ويتم انزاله في منتدانا الغالي هذا
اترككم مع القصيدة.

سلام ياراع الوفا منبع الجود = سلام ياللي فالمواقف صتيمي
سلام يامن برهن الطيب بوجود = يافاعل المعروف علمك غنيمي
في فعلك المعروف منته بمجحود =رد الثنا حقن عليّه مقيمي
يوم ان غيرك فزعته ماثمرت فود = وتهت السنع وازريت لرجع نديمي
جيتك وانا وضعي معقد ومضهود = وانهيت موضوعي وفكيت ضيمي
نظرت في دعواى والباب مسدود = وختمتها ذاك القرار الصريمي
شكرآ لكم ياسعود شكرآ بلا حدود = من حشّم الاحشام رجلٍ حشيمي
أنا اشهد انك طيّب الراس ياسعود = والنعم والله ياسعود العصيمي
تجود لاهل الجود بالجود واتجود = من طيبك اللي وارثه من قديمي
من راس ابوك وجدك الاول العود = اللي بنوا تاريخ مجدن عظيمي
امجاد عز الها مواثيق وشهود = يشهد بها شيخ العرب والفطيمي
والله مهما اقول ياسعود وازود = ملحق مدى طيبٍ بشخصك مديمي
واختامها مني لك الشكر مردود = ويجزاك بالحسنات ربٍ كريمي
انكان جاء مني خطأ غير مقصود = ماني عليم القول توي عليمي.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[أبونواف]

صح لسان الشاعر عماد المرشدي وبيض الله وجهه وجهك

ولاهنت على النقل ياسعود

وفي أنتظار ردكـــــ ....

[سعود العصيمي]

ابو نواف


صح بدنك بالنيابة عن عماد


وابشر بالرد عن قريب ان الله احيانا وياكم.

[.. خالد الثبيتي ..]

صح لسانه وعلا شأنه
وتستاهل هالقصيد يالعصيمي
ونحتري ردك الوافي يالوافي

[بندر المرشدي]

صح لساااااان الشاعر عناد المرشدي



وانت يابو طايل تستاهل المدح



والطيبّ يجزا بالطيب

[محمد العتيبي]

ياسلام ياسلام

صح لساااانك ياسعود .. وصح لسان الشاعر / عماد المرشدي

وتستاهل الخير والمدح ياسعود ..

تحيتي
...

التوقيع

للتواصل عبر twitter تويتر al_bargawy@

[ضيف الله بن شفاي العضياني]

صح لسانه على الابيات


وشكرا على النقل يا سعود

[خالد المقاطي]

الله الله




صح الله لسان الشاعر : عناد المرشدي



ولاحنا قايلين لك شي ياخالي لين نشوف الرد






لاهنت يابو طايل ونحن في قايمه الانتظار






ارق تحيه


..

[فايز بن سرحان الثبيتي]

صح لسان الشاعر \ عماد المرشدي مولف هذه السمفونية


ويستاهل ابو طايل المدح والوفا ما يعطى الا لهله



تحيتي للابداع



شكرا ياسعود على اضافة القصيدة

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن