يكفي كََسَرْ ظَهْري وموتت عزومي

[ظلام الليل]

السلام عليكم ورحمة الله وبركاته


اعضاء وزوااار هذا الصرح الشامخ


اضع بين ايديكم هذه المتواضعه لعل وعسى ان تنال اعجاب الجميع


اليكم القصيده

يامل قلبن كل ماقرّب اعْصير=جته تسابق قاسيات الهمومي
تركي عليه وتحرقه بالتفاكير=وتطلق عليه من اللهايب سهومي
ياويل حالي ياجميل الغنادير=حالي نفذ والعين عيّت تصومي
عيّت تصوم اعن البكاء والماحسير=وعيّت تصوم اعن السهر (ماتنومي)
ترتاح ساعه بس!! وتواصل السير=وتبدا تحسب اذنوبكم بالنجومي
ولاتنحصي لو تنحسب بالمساهير=من كثرها ماتاقف ابهاا الرقومي
والسبّه اصدودك وكثر المعاذير=ومني تغاضي لين ماتت عزومي
هونك عليّه لاتزيد المضارير=خلك على صاحبك دايم رحومي
اِرَحَم محبن غربَلَتْه المقادير=وقامت على راسه طيفوك تحومي
ذاق التعب من عقب طول المشاوير=وذاق الحراره تحت شمس وسمومي
ومل الصبر من عقب جتْه المخاسير=عقب انحدر لوون الحمر بالسهومي
يازين تكفآآآ لاتَزُود المكاسير=ولاتخلع المكسور لو كان يُوُمِي
يكفي "قفص قلبي" عظامه معاوير=ويكفي كََسَرْ ظَهْري وموتت عزومي

والسلام ختام

[فايز بن سرحان الثبيتي]

تركـي عليـه وتحرقـه بالتفاكيـر
وتطلق عليه من اللهايب سهومـي
ياويـل حالـي ياجميـل الغناديـر
حالي نفذ والعيـن عيّـت تصومـي
عيّت تصوم اعن البكاء والماحسير
وعيّت تصوم اعن السهر (ماتنومي)



صح لسانك


احساس راقي وفقك الله

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[ظلام الليل]

ابن سرحان



كم اسعدني مرورك الذي اعتبره شرف لي وللقصيده وللصفحه



مشكوووور وماقصرت ياغالي


لك مني كل الاحترام