لا تجرح أصغر أحاسيسي و هو كبري(بندر المحيا)

[وافي الكلام]

إن مرني وجهك المبطي .. على خبري
أذكر .. يجي للسهد طعنات في أهدابي
و أذكر حروب العجم و العرب في حبري
و اذكر يجي للوله .. ســـكره بجلبابي
لا تجرح ... أصغر أحاسيسي و هو كبري
و أنا الغموض الغموض يعيش في كتابي
و بعــض المعاذير.. ما تنفع و أنا عذري
إنسان شلت الذنوب و ضاقت ثيابي
قم .. رقصّ الليل راح الليل يافجري
قم .. حيّ الأقمار لا تزعل على بابي
و إليا زرعتك نخيــــل وجيت أبي تمري
أجوع لك و الضما ينســـــاب باتعابي
كثر الســــــــــنين و قلقها أو كثر صبري
حنّيت لك .. و الحنين يذوّب عتابي
و إليا أحتوانا الغرام أقول لك .. بدري
و أعذر ذهولٍ يطول ويجرح إســـهابي
ودي أهز الشــــفق و أطويه في ثغري
ودي أشــــــب الشــــــــتا قبل يتحيابي
و إليا خذانا الســـــــبات و غرهد القمري
ذكرت : مدري نسيت الأهل و أصحابي
و شلون أعجّل و رمــشك فاتنٍ خدري
و شلون أغادر حضوري و أسكن غيابي
ما قلت لك ما يموت الحب في صدري !!
ما قلت لك ما جحدت مســـــامر أحبابي
كذبٍ .. تجبربي البارح قبل كسري
و يمكن سبب كسري البارح من أسبابي
و هذا أنت حلم الطفوله حلم من عمري
أعانقه .. لا طلعت جروح مرقابي
و إن مرني وجهك المبطي على خبري
ما أذكر سوى إني وفيّ وعاشق إعرابي

المبدع فيلسوف الشعر/ بندر ابن محيا

تـحيآآآتي