عدنا والعود احمد
اعتذر عن الانقطاع
حلقة شعراء الهيلا خارج الهيلا اليوم تخص شعراء نجوم ومبدعين في كل محفل
من دون مقدمات اليكم
المحاوره الاولى
بين الشاعرين علي بن فلاح العضياني والشاعر عبدالله الروقي
علي فلاح العضياني
سلام الله سلام يخصّ مشرف منتدى الميدان=ويعمّ اللي حضر فالمنتـدى والنيّـه النيّـه
ليا صار الرساله واضحه بالخطّ والعنـوان=ورى ساع البريد يكبّها فـالارض مرميّـه
عبدالله الروقي
هلا بك ياهـلا والليـل و الميـدان ياحميـدان=نجـازي حسنـة بحسنـه وندفـع سيـه بسيـه
احد يرسل على الفاضي واحد يرسل على المليان=وانـا عينـي ماتنظـر جابـةٍ ماهيـب ممليـة
علي فلاح العضياني
أنا وايّااك والقاضي زبن باسم الله الرحمن=حرام إنّي ما أظنّ انّك تسوّي مثلهـا فيّـه
تري علم الصحيح اللي يرجّح كفّة الميزان=وانا علمي صحيح ونسبته ميّه على ميّـه
عبدالله الروقي
اناوياك والقاضي ليـا عديتهـا الحـدان=نعدل قبل ما ناخـذ معـه فنجـال بريـه
تبى علم الصحيح الى عليه اثبات بالبرهان=ثلاث اليال وانته بين حر الشمس والفيـه
علي فلاح العضياني
قبل ما ناصل القاضي نصيحه عوّذ الشيطان=أشوفك مندفع بالحيـل والسرعـه جنونيّـه
ما فيه بواردي ما ينقل الحبّه على النشيـان=وانا عندي شهاده فوقهـا ختـم السعوديـه
عبدالله الروقي
علامك تفتح الدكان ثـم تسكـر الدكـان=تراجع عقب قلت الخط يوطينا اليمانيـه
اناماقول فيك اقصور طيرٍ ينفض الجنحان=وعلم الارض ماحدٍ عارفه غير الجلوجيه
علي فلاح العضياني
انا ماني على بعض العلوم الكايـده عجـلان=ولـن طوّلتهـا قلتلـك مربوعـه ومثنـيـه
الا يا طيرنا اللي صرت كنّك طير ابن برمان=يبا منـه الفوايـد ثـمّ راح وجـاه بالحيّـه
عبدالله الروقي
تقوله ياعلي وانا ادري انك في اللزوم حصان=علومك عـودت مابيـن مطبوخـة ومنديـة
ترانا خابرين قديد مابه فرق عـن عسفـان=لاكنا ما نبا نزعلك وانتـه مـن بنـي خيـه
علي فلاح العضياني
علومي كلبوها وافيه يا معـرّب الجـدّان=لكنّ انته علومك كلّبوهـا طـاق طاقيـه
يا خالي حاول تعوّد معي لا تعطي الخليان=أثر خالي ما عنده شي لا واجد ولا بليـه
عبدالله الروقي
سوالفنا معك صارت سوات مناطح الثيران=عطيناك الخصوصيه وضيعت العموميـه
تقول اللى تقوله ترجع الدعوى على ماكان=مادام ان البيوت الى على السيسان مبنيـه
المحاوره الثانيه بين الشاعرين حاكم الغنامي والشاعر سعود النفيعي
حاكم الغنامي
تولم ياسعود الله يجيرك من هذا المشوار=نويت اعطيك علمٍ من ضميري وده الشله
انا حاكم ولد غنام سيف عتيبـه البتـار=قسم بالله لو اغزي لسور الصين لحتلـه
سعود النفيعي
آبا آعلقك فالمعلاق ثم اشويك وسط النـار=وانا ماني مجامـل معـك لا والله ولا بالله
تميدح وانت مالك فعل فالمخراج والمظهار=ولاتقوى ولاتقدر تشيـل السيـف وتسلـه
حاكم الغنامي
ترانا للعدو ياصاحبي دايـم لغانـا حـار=على خده نحط الميسـم المدفـون فالملـه
عطوك المشلح وصدقت نفسك شاعرٍ بيطار=ونطحت الذيب ابو نيبان وانت تهج من ظله
سعود النفيعي
ياحاكم لاتنقاشني بعد ما اصطادتك الرادار=لكن اشرب من البراد وانا اشرب من الدله
انا شاعر ولد شاعر وانا سلطة على الشعار=وانا عله وانا مثل الطبيـب مـداوي العلـه
حاكم الغنامي
لبست الجوخه الحمراء نسيت اتزرها بزرار=ضعيفٍ منكبك ماقـد تعّـود لبسهـا للّلـه
انا جيتك على صفراً حلاها تبهر الانظـار=تراك اللي دبلت كبود كـل المنتـدى كلـه
سعود النفيعي
على سرعتك اكلت اللفة اللي من ورى الدوار=ومطلبك القديم شلون تمشي له وتاصـل لـه
ركبنا الطايره والله اعلم وش بـلا الطيـار=بغى ينزل بنا فالقدس مـار القـدس محتلـه
حاكم الغنامي
تشوف الحر حطله على روس الهضاب اوكار=يابو قلبٍ من الحـر القطامـي زايـدٍ غلـه
تسير ابك الركاب مسيّره في دبـرة الستـار=على درب الرجال اللي تعرف الدين والملـه
سعود النفيعي
ياليتك تنتهي وتتوب عن حيلتك يالمكار=تبا تمكر وحنا فيك شفنا العيب والخلـه
اقول الاوله راحت من المليون للمليـار=واقول الثانية راحت مابين الخوف والذله
حاكم الغنامي
حليلك ياقهيب الطير شاره في جبل سنجار=يامن ياصل قهيب الطير قله ويش غادلـه
ترى ذنب الجنايز مجتمع في ذمة القبـار=ليا منه حفر قبر الجنازه روووح وانثلـه
المحاوره الثالثه بين الشاعرين نايف بن ملحق الثعلي والشاعر الكبير زبن القاضي
نايف الثعلي
يا سلا مي علي القاضي عريب الجدود=بسـم ربعـن تكمـل فـي مواجيبهـا
شد حيلك وخل العلـم يرقـي سنـود=ليلتـن تجمـع الغالـيـن ياطيبـهـا
زبن القاضي
مرحبا عد ماحن الرعد بالرعود=لاسم ربع المسلم حق نبديبهـا
احتزم بالحزام ولاتعداء الحدود=لليلتن تجمع اهل الطيب وديبها
نايف الثعلي
البقا يا رجالن ماتخـون العهـود=تكرم الضيـف وتكثـر تراحيبهـا
انت منته على بعض الامور محدود=كان دنيـاك ماصفيـت مشاريبهـا
زبن القاضي
مانخون العهود ولانبيح السدود=وانت تدريبها والكل يدريبهـا
مايشح الكريم ولايهوش الشرود=والحقايـق موثقـة ً مكاتيبهـا
نايف الثعلي
جعل الاجواد تبقاء دايمن في الوجود=واليالي تـراي ماينكشـف غيبهـا
يا هل الحجه الي ما عليها شهـود=الحقيقـه جميـع النـاس تدريبهـا
زبن القاضي
الله انه يعز الحكم وابن سعـود=لجل بعض العرب تفتل فاشانيبها
حجة ً تختفي نهار قدح الزنـود=خلها فـي جيوبـك لاتجينيبهـا
نايف الثعلي
انتبه لصوادر ونتبه للـورود=وسمع العلم كان الاذن توحيبها
حجتي ثابته ومع اليالي تزود=وانت عينك من الايام يا شيبها
زبن القاضي
جفت الصحف يانايف ومات الحسود=وانت باقي معـك كلمـه تهذريبهـا
ياهل الخيمه اللي تمتلـي بالحشـود=نصف ساعـه وتاخذهـا بطانيبهـا
المحاوره الرابعه بين الشاعرين الرائعين دائما والثنائي المميز دائما الشاعر سلطان الجذع والشاعر الكبير مشاري الكرشمي
سلطان الجذع
ياسلامي سلام أسلام قـد المقـام=عند ربعٍ يقاس الطيب من طيبهـا
من يحكم البيوت ومن يصف الكلام=ليلة الخير كـل النـاس تسريبهـا
مشاري الكرشمي
ياهلا مرحبا حييت يابن الكرام=كل لحيه نكمل في مواجيبهـا
بينها فرق لايغشاك منا مـلام=الجبال المنيفه عاويـاً ذيبهـا
سلطان الجذع
امس شفنا بروق المزن قبلة وشام=واثر بقعاء تشيل الشر في جيبهـا
قصة النور الابيض مامحاها الظلام=علـم سليـم لاترفـع مشاعيبهـا
مشاري الكرشمي
وش بقي من رصاص المعتصم فالحزام=المطيـه بـلاهـا فــي عراقيبـهـا
اشقر الريش صاد الصيد والحـظ قـام=والبيـوت الكبـار اطلـق فطانيبـهـا
سلطان الجذع
كيف عمك على الاجواد نصب يمام=مايعرف الصلاة اللي يصلي بهـا
من يجمع حلال المرجلة والحـرام=جعل دنيـاه ماتصفـي مشاريبهـا
مشاري الكرشمي
لطمت العين تدم الخشم والدرب شام=اتـرك النـار لاتلحـق مشاهيبهـا
الشداد المسمـى ماتعوضـه مسـام=والليالـي غريبـه وش نسويبـهـا
سلطان الجذع
مشكلة وقعت بين اللحم بين والعظام=انت تدري وكل الناس تدري بهـا
لو تحط البراقع فوق روس الحمام=ماش صيد تجيبـه فـي مخاليبهـا
مشاري الكرشمي
ماغدى شي والعربان بمن وسلام=كل واحد مـع حجـه يماريبهـا
النوافـر تراهـا ماتعـوّد ريـام=مار سل السيوف وشف مضاريبها
سلطان الجذع
انت ياذيب مايقرب عيونك منام=مار تفتح بعين وعين تغضي بها
العرب تترك السمر وتشب الثمام=علمتنا الليالـي مـن تجاريبهـا
وسلامتكم وارجو انكم تردون ياللي تقرون تكفووون
« آخـــر الـــمـــشـــاركــــات »
13-Jan-2009, 03:09 PM
ملاعب وابداعات شعار الهيلا ((خارج الهيلا)) 2
العرض العادي
