مرثيات

[علي الثبيتي]

الشاعر الراحل فيصل ابن منصور الرياحي =
وكنه يودع الحياه ويرثا نفسه ويطلب المغفره من ربه =
انا أدعوك ياعالم بغيب الليال السود=قريبٍ مجيب ليا تكلمت توحيني
تغفر الذنوب اللي لها فالكتاب شهود=ياربي لما بريتني من يبريني
أنا عبدك المحتاج وأنت الله المعبود=وفيك الرجاء ياخالق أدم من الطيني
ألا يالله أبعدني عن الشك والمنقود=وستّر عيوبي يوم نصب الموازيني
لاصارت عظامي هيكلٍ في لحد ملحود=من اللي بيذكرني ليا صرت ناسيني
تفكرت بالدنيا ليا ماوراها فود=وأهلها عليها رغم هذا حريصيني
يلمونها بالكم ويدورون الزود=ولو يملكون الكون ماهم براضيني
لقيت القناعه فالبشر كنزها مفقود=فقيرين فقر إنفوس لو هم غنييني
يثور الطمع فيهم كما ثورة البارود=ويمسون خلاّن وصباح متعاديني
سمك في بحر مامنه ناشد ولامنشود=ظلام الطمع حالك وهم فيه ساريني
وهذي بعض المرثيات التي استطعنا جمعها واعذرونا على القصور=
عبدالرحمن المرخان=
عساها مجابه دعوتك من ولـي الجـود=اعزي وانا اللي عقبكـم مـن يعزينـي
عسى جسمك الطاهر ابد مايجيه الـدود=اخاطبك والبرزخ حجز بينـك وبينـي
رحمك الله الباري وهذا هـو المقصـود=ابدعي لربي 00 وارفع لربـي يدينـي
وباب السماء ماهو عن اهل الدعا مردود=ويدعي معـي شعـار قسـم النداوينـي
عساها شهاده يـوم شاهـد وذا مشهـود=وتارد على الكوثـر وظـل البساتينـي
وتقطف ثمر ما لاق وطلع النخل منضود=وثوب ٍ من استبرق وحـور ٍ مزايينـي
نهل الدمـوع وجونـا معتلـج بـارود=على نار غزه صارت النـار نارينـي
ومن منات مثلك حي لو هيكلـه مفقـود=وكم ناس بين احيـاء ولاهـم بحيينـي
تفتح لك الجنـه وبـاب اللهب مسـدود=اقوله وانا دمعي علـى خـدي وعينـي
عليك الشعر يبكي ويلطم عليـك خـدود=وانا ابكي وابي يبكي معي تركي الفينـي
عسى الله عزانا يجبره والكبـد ملهـود=الا وينك انت اليوم ؟ وانا بعد وينـي ؟
سداح=
رزنامة الأيـام مـع مـرّ الأيـام=ترزم وتدفعهـا هبـوب الرياحـي
ترمي سهمها كل ما طيرها حـام=وطير السعد منها كسير الجناحـي
يا مرتجين الخير من مطلع العـام=الشر زاد وساد .. والخير ماحـي
لو بثّت الأخبار معها النباء الهـام=يا ليت ما بثّـت وفـاة الرياحـي
أوّ ليتها كانت من حساب الأوهام=لاشكّ علم الموت ما به مزاحـي
دقّات قلبي عند تحطيـم الأرقـام=تسطي ويبطي خاطري ما أستراحي
لا والله إلاّ مات فـدّاح الأخصـام=اللي عليه الشعّر جـرّ المناحـي
علم وفرقه بان عن كلّ الأعـلام=رفرف .. وصابته المنايا وطاحـي
بيطار عدّ وردّ .. شامخ ومقـدام=جبل محصّن من جميع النواحـي
حاكم شعر .. مدام للشّعر حكـام=كم زاح حكمه حاكم ٍ مـا يزاحـي
له سيرة ٍ بيضاء وله سيف صرّام=وإليا جرح يصرف علاج الجراحي
مدات كفّه بالوفـاء حظهـا قـام=ماهيب مدّات الكفوف الشحاحـي
من عزوة ٍ تجمع عزيزن وكـرام=أهل المراجل مبعديـن الشباحـي
فـي حبّهـم والله مانيـب منـلام=والحبّ ما بيـن القبايـل مباحـي
أعزّي الأصحاب من قلب منضـام=يا كبر همّك يا القلوب الصحاحـي
وأعزي الشعّار من كـلّ الاقـوام=في فقد طير ٍ من طيور الفلاحـي
عساه بالفردوس في ظل الإسـلام=من رحمة الله لا بس ٍ له وشاحي
يآرد على حوض النبي خير الأنام=مثواه في الجنّه .. وشربه قراحي
عبدالرحمن السمين=
أعزي دموع العين فـي موتـة العمـلاق=وأعـزي جماهيـره وأعـزي محبينـه
وأعزي هل الموروث من داخل الأعمـاق=وأعزي حضـوره وألسنتـه ودوواينـه
وأعزي صفوف اللعب والحبـر والأوراق=وأعزي الشعر مفجوع وأنعـى ميادينـه
وأعزي البقوم وثغرة الفقد مـا تنطـاق=وأعزي القبايل مـن تهامـه ليـا لينـه
وأعزي الخليج وثومة الكبـد بالمعـلاق=وأعزي وأنا أدري الأدمي ويش في ايدينه
على فيصل العبـره تزاحـم ولا تنسـاق=يا قوْ المصـاب اللـي كلتنـا سكاكينـه
فجيعه وهشمة عظم والكون فينـا ضـاق=يا وين اتونس والخبر صـر لـي عينـه
عسى قبره المرحوم يفتـق لـه البـراق=ويذرف دموعـه ليـن تنبـت رياحينـه
فراق المنايـا لا بكينـا صحيـح فـراق=وكل يذوق المـوت لـو طالـت سنينـه
جزاء البقمي=
الحزن .. من يوميـن .. للعيـن .. دارق = كنّه .. وكن السهْـر .. فيهـا متواصيـن
كنّه .. غدى .. في محجر العيـن .. وارق=قام .. يتطاولهـا .. كمـا ( حـد سكيـن )
والقلب .. يحزن ..والمدامـع .. تغـارق= وحنّا .. على فرقا .. الرياحي .. مصابيـن
انا اشهـد ان الفقـد .. موجـع .. وحـارق=كسرة ظهـر .. لا والله .. الا عمـى عيـن
راح .. وترك .. من خلفه .. الشعر غـارق=من .. عقب .. ماله .. يطربـون الملاييـن
شعـرٍ .. فريـد.. و فالمواقيـف .. شـارق=( تبكي .. عليها .. المحبره .. والدواويـن )
رمز القبيله .. ذايـع الصيـت .. فـارق =تشهـد علـى مااقـول ..( كـل المياديـن )
بيرق .. فخر .. ماهـوب .. مثـل البيـارق=في كل .. ماقف .. تكبـر القالـه ..! يبيـن
ويا رب .. يـارب .. النجـوم .. الطـوارق=يا منزل .. الانفـال .. والطـور .. والتيـن
يا رب .. إلك .. تسبيح .. راعـد .. وبـارق=ومن هيبتك .. صم الحجاره .. لـك .. تليـن
تفتح له .. ( ابواب الرضا ) .. جاك ( طارق )=( فيصل ولد منصـور ) .. يالله . ( اميـن )
وتكسيـه .. سنـدس .. ويتركّـى النمـارق=بين .. الصحابـه .. والرسـل .. والنبييـن
العمر .. ظل .. وصاحـب العمـر .. مـارق=وآخر .. حدود الظـل ..( خامـه ومتريـن )
قد قيـل .. عاشـر .. تاليتهـا ( امفـارق )=من طين تخلـق .. واخرتهـا .. الـى طيـن
خالد الحصين=
يـا ذو الجـلال منـزّل القرآنـي=انـت الإلـه .. ولا إلـه ثـانـي
يا باسطٍ ارضك ومعلـي عرشـك=ويا مفضّل المسلم على النصرانـي
انا الضعيف اللي سجد لك .. وجهه=يخشى العذاب ويطلـب الغفرانـي
سبحـانـك اللهم إنــي تـائـب=من زلة اقدامـي ونطـق لسانـي
يا وجد حالي من تِـردّي الحالـه=كلي حـزن وادنـات مـا بكانـي
احس في صـدري لهيـب وتكـه=وهزة ضمير تهـز كـل اركانـي
ما فيه موتٍ مثـل مـوت الفجـأه=حتى لو ان عمر البنادم .. فانـي
كم واحدٍ يضحك وهو مـا يـدري=انـه مُديـن وخلـفـه الديـانـي
امـا تقـفّـاه وخــذاه بثـوبـه=والا عطاه الوجه .. فـي ثوانـي
يا فيصل العيـه رحمـك المولـى=حزني عليك .. اماتنـي واحيانـي
الله ما اقوى صدمتي فـي موتـك=تقول كنـك واحـد مـن اخوانـي
الطيـب واجـد والمزايـا عــده=وسيرتك هيّ شهودي .. وبرهاني
متعملـقٍ .. شخصيّـاً وشعريّـاً=وشموخ لا يِخفـى .. ولا يخفانـي
الله يأمّـن روعتـك فـي قبـرك=ويجبر عزانا كلنـا .. مـن دانـي
ارثيك .. ماهو لجل اسجل موقـف=حزنٍ جديد .. وصار ضمن احزاني!
فوازعلي الروقي=
دور الزمن عقب الفرح جاب الأتراح=نبني الأمل منى ويـنـــهـــــد مــنـــــى
راح العزيز اللي على قلــــــوبنا راح=فـيـــصـل أمـيــــــر العشر ومعلم النا
شـــــــيــخ الجزيله يمها دوم نــــزاح=وإله الثــنـــاء مـــن كل فــــجٍ يـعــنا
ويـــم العــــلاء بالقول والجهد شواح=اقــــــــولـهـا بالصــــدق ماهيب ظنا
رجـــــلٍ على دروب الميامين طماح=ولايــطمـــح ألاء مـايـحـــــله و طنا
صـــوام قـــوامٍ فـالاســـلام ســبــاح=وبـشـــنـه الإســـــــــلام يضـــد شنا
والنـــور مــن وجـهه للعيان ضواح=وضــــد التعنصر والتعــــصب تعنا
يسعى لجمع أشلاح مع باقي أشلاح=كي باســــــم خالقنا نــقــــــوي املنا
وان كان جات الطيب بالطيب فواح=واخـــــــــــــــــذ حقوقه منه فناً بفنا
وللمرجله مابيــن مسرى ومسـراح=والكايــــــــدات لكيــدهــــن هوننا
ولاهــزته عسرات الأيام وريــــاح=ومســـيـرتـه إجـمـالـهــا مـا أدبـرنا
تَعَب لروحـــه ولاتسمــع فالارواح=ولاقــلــــد العــــــربـــان له قـلــدنا
حارب وكافح ماهي بسيف ورماح=بل بــالـقـلـــم والـعـلــم هــن عرفنا
وعصر الثقافه ناح مع فج الأصباح=ليــنــه طـعـنـه اللي ضحى قد طعنا
مصــيـبـةٍ حــلـت على كل الأسياح=وفــجـيـعـةٍ عـلى البـقــــــوم وأهلنا
يرحمك ربي مضحكن كل من ناح=وعــــــــــــسى ذنوبك كلهن يغرفنا
وعساك بالفـــردوس تسكن وترتاح=بجـــــــــــــــــوار سيدنا محمد تهنا
وصــــــلاة ربي عد ماصايحٍ صاح=على رســــــــــولٍ بعث لنس وجنا
وهذي مرثيه في مصعب ابن عصاى=
الشاعره اخت الرجال=
يامـل قلـبٍ لاذكـر طـاريٍ فـز=فزت عقيـد القـوم لاقـام غـازي
والحزن ربّع في الخفـوق وتركـز=كن قلبي الصيدة والأحـزان بـازي
علمٍ سمعتـه هزنـي قسوتـه هـز=أقسى عليّ من الرجـوم النـوازي
والفكر حاير بيـن نشـره وموجـز=علمٍ من أسبابـه يهـون إرتكـازي
حتى فجعني فـي صغيـرٍ معـزز=حلوٍ نباه وصيـت ماهـو نشـازي
خمسة عشر عامٍ وعامٍ علـى عـز=ماسجّ رجله فـي دروب المخـازي
في والديه أعطف من السمهج إن حز=بََرٍ عطوفٍ لاكثـر الطيـب حـازي
يامـا علـى طيـب النوايـا تحفـز=وياما على صدق المواعيـد فـازي
يالله ترحم مصعب إن جـاك مهتـز=وتغفر له ذنوبـه وترحـم معـازي
وتجمعه في كل مـن حـب وآعـز=في جنة الفردوس لأهـل المفـازي
وهذه مجاراة للقصيدة ويقول فيها مقحم ابن عصاى=
إهتز عـرش القلـب والفكـر يهتـز=لين المشاعر صـار فيهـا إهتـزازي
من ملهمٍ جات الشـوارد معـه خـز=طاعة معه بالغصب شِـرد الجـوازي
الله منحـك العقـل ياتاجـر الـبـز=حتى إشتريـت الغاليـات العـزازي
يوم إني أسبح فـي البحـر وآتغـزز=شهدت لـك مـن قلـب بالإمتيـازي
ولاغريـبٍ وأنـت بأصلـك تعـزز=مـا دام ذا مبـداك يحسـب نجـازي
يابعد طير الحـر عـن طايـر الـوز=من تجربـة عاقـل ماهـو بإنتهـازي
ينظـم عقـود ألمـاس نظـمٍ مركـز=لاهـو بـلا هافـي ولاهـو بنـازي
يالله يــاربٍ عـلـيـك إنـتـعـزز=تجعل لنا عـن سـوّ بقعـاء مـلازي
دنيـا الكبـد ماأحـدٍ عليهـا تمركـز=كـم واحـدٍ فيهـا يعيـش إمتـوازي
حتى إيش لو يلبـس حريـرٍ مطـرز=ويركب من أغلى نوع وأحسن طرازي
تومـي بـه الأيـام ليـن يتهـزهـز=إليا مشختـه مثـل مشـخ القـزازي
عايض بن زوير المقاطي=
ولا يالله فــي شــيٍ مبـاحـي=يغيبنـي عقـب سطـو الجراحـي
جـراحٍ فالحشـا تـو استشاطـت=صباح السبت يا شيـن الصباحـي
صبـاحٍ بالخبـر صبـح حشـايـه=ومضمون الخبر " مات الرياحي " .!
وذرف دمعي على خدي لـو انـي=من اللي سدهـم مـا يـوم باحـي
أغيب اعن الملا وأحضر وأغيبـي=واداري دمعتـي تحـت الجناحـي
وأجـاوب فالخـلا نـوح الحمامـه=لو ان الطيـر مـا جـرب مناحـي
ولا يالله فـي راحــة ضمـيـري=تعب قلبـي مـن زروق الرماحـي
علـى فيصـل تجاذبنـي همومـي=ياليـن ان الحشـا بالهـم فاحـي
تعبـت وضاقـت الدنيـا علـيـه=لو ان الكون مـن حولـي براحـي
سجيـن الهـم ليلـيـن وثـلاثـه=وأظنه ما نـوى يطلـق سراحـي
مـع العالـم ولا كـنـي معـاهـم=ادرجهـا علـى كــل النـواحـي
أبا الصده عـن عيـون الخلايـق=مخافـة هرجـة النقـد البـواحـي
ولا حصلـت لـي فالصـد راحـه=صويب الوقت ما يـوم استراحـي
جرعت مـن العنـا والهـم كاسـه=يخالـط مرهـا السـم الذحـاحـي
فقيـده يـا عـرب والله فقـيـده=أبو بـدر الشهـم رمـز الفلاحـي
رحل عنـا قبـل وقـت المـوادع=يا عون الله في بعض المراحي ..!!
رحل فيصـل عـن الدنيـا وحنـا=علـى فقـده تجرعنـا المـلاحـي
ولا يالله فــي مــزنٍ تـتــالا=علـى قبـره تكومهـا الريـاحـي
ثـلاث شهـور مـن ماهـا تبلـه=ثـلاث شهـور والماطـر قراحـي
وعسى قبره علـى الجنـه مطلـه=ياليـن انـه يحـس الانشـراحـي
دعـانـا والـرجـا يالله قبـولـه=لعل اللـي علـى المنكـب يزاحـي
أقولـه والعـرب مثلـي تقـولـه=جنـان الخلـد يـا نعـم المراحـي
عسى فيصل بهـا يلقـى مصيـره=مع أصحاب الكتب وأهل الصحاحـي
ومن عتيبه إلـى سهـوم المنايـا=عزانـا والعـذر ويـا السمـاحـي
يقولـه واحـدٍ همـه سطـى بـه=ولا حصل عـن همومـه مراحـي
ولا يالله فــي شــيٍ مبـاحـي=يغيبنـي عقـب فقـد الريـاحـي
قبلان العتيبي=
ياطوب لا تستغـرب ارثيـه ياطـوب=نظرتـك لأحـداث الليالـي قصـيـرة
عن قلبك النايم ضيا النـور محجـوب=للناس عنـد النـاس رفقـه وجيـره
الموت حـق وللأجـل وقـت مكتـوب=يعلـم بـه الله ماعلـم فيـه غـيـره
ينعى الشعر فارس مراجل ومحسـوب=علـى عيـون المعرفـة والبصـيـرة
أديـب ومحنـك وعاقـل ومصحـوب=بأفكـار مـن يأخـذ بعضهـا تنيـره
يعني بمـا يعنيـه الابـداع موهـوب=يثـري بمايملـك مـن ابـداع ديـرة
ماسب في حاضـر ولاحـش عرقـوب=واللـي يبـي راي السعـد يستشيـره
في صوب وعلوم الردى عنه في صوب=وافـي مـع الوافـي نقـي السريـرة
شهم وكريم اخلاق ومهـذب اسلـوب=وراسـن صعاطيـر القرامـة تديـرة
وعملاق شعر إليا حضر ماقف ينـوب=عن كل من عنده على الشعـر غيـره
صدمة رحيله هزت اوطـان وشعـوب=لانـه خسـارة والخسـارة كبـيـرة
حتى الشعر في غيبتـه بـات منكـوب=لأقـرب مسافـات التدنـي مصـيـرة
أخذوا عبر ياهل الشعر والعبـر نـوب=يصحى لها الغافـل ويحيـى ضميـره
والشاعر اللي مـن مزايـاه مسلـوب=حـرام مايسـوى ولا ربــع لـيـره
يالله لاتكتـب علـى فيصـل اذنـوب=رحمتـك مـن واهـج جهنـم تجيـرة
وسلامتكم=

التوقيع

ماني بلا روقي ولا برقاوي = انا ثبيتي جد روق وبرقا