رد جامع بن خليفه الحربي على مصلح النقيزه المطيري

[ناصر الهيلا]

اخواني اقدم لك هذه القصيدتين وهن قصيدة مصلح النقيزه المطيري الي قالها يفاخر بقبيلته

ورد عليه جامع بن خليفه المرواني المزيني الحربي

يقول النقيزه

ابن نحيت غـــار علينــــا بالضـمود =نجا ........ري يوم دلى بقصــراه
ماهو دين عســـى ديــــنه مايـهود =المدين مايعزل هذاتي من هـذاه
وخيل خـــياله من طرف مسكه يقود =وحمله من مسكه لحــيد الصفاه
رعودهن نكــريز والثعل الجــــــرود=وبرقه ضو المـاص بيدين الرماه
وربعــنا تســــعين ماواحـــد يزود =وفيهم القريص ومطوع يقرا علاه
وحنا جيناهم مثل المــزن الركـــود =وهــــم قدمنـــا مثل حيد الصفاه
واخذينــا قعـــودهم مــع الرقـــود =مسبلين ومعذرين مــــن الحيــاه
ابو راشـــد قدمنـــا حســــه يـزود =وابن شرار الموت مايطـري علاه
وكم صبـــي على المتــــــن مهدود= من صنع معتـــوق لامستها يداه
وانشد حجاب عن خوصنايابن هنود=جعل خوصنا يوم راحت من فداه
وياذيب صـــوت للذيابه بالــــــحدود=وامش عــــيد بالسوالم والجفاه
ودك تعيـــن للـولايـــش بالضمـــود= ولاشبعت ازبر لحمــهم باللجــاه

..........................ه....................... ....... .............................. ..............
فرد عليه المرواني بهذه القصيده

راكب اللي منســبه ماله طرود= يلحق اللي سـارياتٍ في ضحاه
عُقـــبهن وفاتــــــهنّ للوعــــود= وأنكفــــن والآّ الحقنّه منتهاه
نضــونايـوم اعتدل زين الفدود= مرهــــين في حلفكم هووحلفاه
منصويّة لـ النقــــــيزة للقعود= حرٍ ديّش مــن لفـانا مبتداه
يا النقيزة لا تعـرض يالنشود= مــن تعرض ياتيه زيتٍ ويغطاه
ياالنقيزة عندنا لك بالــــوجود= عندنا لك بالــمجازى مقتضاه
شاعــــرتقليد نظمك ما يكود=كم نقـــضنا شاعر عقب عياه
جوك ربــعٍ عقــــّدوا مّرالكبود=وحنـّطوا كبد الـمعادي من وباه
عِـدّ النـــور و لا تغطّه ياالجحود=بالـــمراجل والسماء يمطر غماه
وآخـــذين النـوف من ثمــدلثمود=وآخــذينه جوس من دون الجناه
وجيتك للنقـــاصة والزهــــود = ومن قديم وحقته كلٍ خـــذاه
يا عليلٍ زاهدٍ حــــــزنه يــزود = كم عـــليلٍ مات ودينه ما قضاه
صــيدنا يوم اللقاء عصم الفهود= وأسأل التاريــــخ ينبيك بنباه
وفي مـدارك صيّحن بيض الخدود= حزنهن لاساق في كبدك حفاه
وين جـودك عن عويرك ياالشرود=و مستكنن عـن عـويرك باللجاه
حفتنا باللـيل من ذلـك هجــــود = مــع سـواد اللــــيل في لـيل الدجاه
ولاخذيتوا روجــــة عند الرقـــــود =وفض الاول عن الـتالي ماتـــــناه
بالنــهار مديّسٍ لابد يااللبــــــود= لا سبلــت ولا انت مـعذر بالحياة
قيضن ذياب حِسْوك والـــــضمود=واستوى البرهـــان لذياب المتاه
وكـــل ذيبٍ مهتجي بأكل الثنــود = في ثناد م...ر يلعبنّ جراه
وليا شبع واجتاز ووردن للضمود= واسـترد باجازته يمّ الــــفلاه
بالنواصي ما هي في جهد الجهود= وين جـندك يا لم...ري وعوناه
وكل هيّه وانت تـــدبر ما تعـــود= يد قّ ســيبك في قـليبك وهـدّ ماه
في سعود الله ثم في حـق الجدود=من رمانا رمية ربّـه رماه
والتفق وان علقوهم بالزنود= ربعتي خصيمهم ينزح وراه
ســــــلاحنا ام قليز صنعٍ لليهود= واليمــاني ربع ضـــربه من لغاه
كم صبي واقد كبده وقود= مـــن حبيبه طاح وأيّس من رجاه
وكم هـنوف حلقت شقر الجعود= وكيّست واستالجت حــزن غلاه
عقب ما هي كنّـــها فلو العمود= لوّعــتها كــنّها قينة شــناه
ربــعتي يوم اللقـــــا سيفٍ حدود= ســــاس جود ووارثين اللي بناه
حــدّروا خضر الأيـــادي من زهود =وكبّســـوا مع الـــمتاييه نجعاه
وراح ابن هذال لجموعــه يقـــود=عن مربّ النــوق واعذر من رعاه
يوم قلفة نيّره ضرب الفرود= هــو و....... .......وادبر من تلاه
نيّره شبيب وربعـــه للحــــدود= يم عــراقٍ مـا تونّس في حجـاه
ابن نحيت بكوم بقعـــا له شهـــود= وأبــــو محسن بيرقه ضد حدداه
وبالملـــــــيدا عطّفوا سبع الجنود=يـوم طامي واخو مثلا وقعداه
كم عزيبٍ ضفّ مـــــع ركنه يقود= في حجـى مشعان والقوم قصراه
ربعي الـمزنان محتمين القــــود= يدفعـون البوش مع رعي الــطراه
ربعي الـمزنان ما منهم شـــــرود= وابن نحيت كعـــام لـمن عصاه
وكم ذبيحٍ طاح عن عمره يــذود= وعقبها ابن شرار مرتـــع بكفلاه
وبعــد هذا ديّنوا لله وحود= وحبهـــــم بعد المصافح بالجباه
وكـــم عبد تايب لربه شــــحود= منكــــــرٍ كل المحارم والعصاه
وأبـرق الشيطان في رأي عنود= بين اثنين جزّبوا رأي الـــــبغاه
رايهم بعــد الهدى نقض العهود= واسـتردّوا عقب ما هم أوليـــاه
ودولة وقت الضـحى جتنا كدود= ونارهـــا من ضربنا بــوّخ سناه
جرّها الســــلطان تقطـــــع بالعــــدود= وكــال لــه الإمـام ملح وكلاه
وخلوا ضيان البوادي يالسمود = وجيت الامصار مع نجـــــد احـــــتواه
نداوي الترك والشيع الفسود =وماصفق نجران بالحيله طواه
وقام حجاب وعادته حرٍصيود= حرٍ جـمّل من قنص به واحتفاه
شــاربٍ فنجالكم زيــن القنـــود= والخمــــــاس وكَتبها كلٍ قراه
في مقامك عرّضك حيدٍ سنـــود= ابـن محسـن ما تردّى بــعملاه
والله لو مــا أمنك حكم السعود= ما تــهنّى في منامك وتـــهناه
وشيخ علوى نيــــّره راع الــبرود= كبّ قومــــه وحلفاهم واستطاه
شلّـه المخــلاب مـــن حـرٍ ورود= اعطبه فيحــــان يوم انه رمـاه
ونعم يا ابن ذياب يا ذل الشرود= و شِيخة المضيان ختم ٍ في يداه
وعقب غانـــم كلهم نعــم الولود= ينطحــن خيولهم خيـــل العداه
شيخنا ابن حجاب نعطيه الوجـــود= من شِيـخة شبيب لــيا كاين ضباه
وشيخة ابن حجاب ماهو له شحود=ابن نحيت جاد وثابت لعولاه
وشيخنا ان ما جاد من غيره يجود= يارث ابن حجاب ميراث كـــبراه
وبالقدايم ربـــــــعتي كلٍ يجود= والم....ي لو تميدح فــــي رداه
له نعد فعولنا وله نقد نقـــود =شاربين كبارنا كيف امراه
ب...ا وابن ر... مع كل الوفود= ومعنا شيخ مطير جاه اللي كفاه
والعمل بالمنتظــــر فإنه يعــــود= وبالمطـــالب ما لنا عــنده شفاه
والعـــزّ بيد الله ربنا المعــبود=مهزم العــدوان ونصــّار أنــــبيـــــــاه

[عبدالرحمن الهيلوم]

شكرا للغالي ع النقل
وصحت السنتهم
شعار جزلين
والحمد لله علي نعمة الاسلام

جاهليه الله لايرده

دمت بود

[ضامي وفا]

مشكور اخوي

يعطيك العااافيه