مزاين الابل ..

[الفراتي]

ياصاحبـي كنّـا ونبقـى حلاحيـل=للمجد نرقـى فـوق قمّـة جبلهـا
افهم عدل لاتـأول الوضـع تأويـل=والكلمه العوجا مـن المـزح شلهـا
يومنها بالسيف والرمـح والخيـل=نملك مزاييـن الأبـل مـع فحلهـا
نغير في وسط الضحى واوسط الليل=ونجيبها غصبٍ عن خشـوم أهلهـا
ويـلان حنـا فعلنـا لـه دواليـل=نـردم علـى كبـد المعـادي عللها
وان زغردت ام الرموش المظاليـل=وقامـت تناظـر كيـف ردّة فعلهـا
نشوش من زود السطر كالمهابيـل=والموت احلا عندنـا مـن عسلهـا
متوارثين المجد جيـلٍ ورى جيـل=فتخيـن الأيـدي كاسبينـن نفلهـا
ويلان حنا أهـل الكـرم والمعاميـل=عـاداتـنـا ماغـيّـرتـهـا فللها
لضيوفنا نذبح من السمّـن الحيـل=وقصيرنـا مـاراح يشـكـي مللها
والحمد لله يـوم صـارت تساهيـل=جاها السديد بديـن ربـي شملهـا
يكفي يمثلنا مـن النفـس حلحيـل=مشعل أخو نـوره بجـوده كفلهـا
ماعاد نبغى من وراهـا محاصيـل=وقلوبنـا للخيـر ربــي عدلـهـا
نعطي الفقير اللي شكى العوز والويل=وام اليتامـا بذلنـا قـد وصلـهـا
وضعيفنا نرفى خماله عـن الميـل=اخير مـن دفـع الفلـوس بجملهـا
ونذلل ظـروف المساجيـن تذليـل=ونعتـق رقـابٍ دافـع الله أجلهـا
ياصاحبي نقـدر وفينـا لهـا حيـل=ونملـك ملاييـن الفلـوس وهللها
واذا رغبنـا بالليالـي المقابـيـل=تشوف ويلان السعـد وش عملهـا
قلته وانـا مـاودّي القـال والقيـل=حسبي على اللي حيل كبدي دبلها

الاطرق بن بدر بن صفوق المنديل الهذال

[فدا لعتيبه]

صح لسان قايلها

مشكور على النقل
يالفراتي



دمت بسلامه...