المقدام يقدم .. واهم شي الاحترام %%

[محلل أدبي]

السلام عليكم والرحمه ..

المقدام يقدم ..

..

يا سلام الله عقب ما طالت الغيبه وجينا ندحم بجنبٍ متيني = يوم بعض الناس لا صادم كبار الروس دمغ الروس لانت به جنوبه
من يبا المعنى يبا يعنا ومعنى البيت ما تمحيه طيّات السنيني = يقدم المقدام فالميدان عقب الليل زان وليلنا هبّة هبوبه

[ذيب الملاعب]

الله الله الله الله

على هالنفس الطويـــــــــــــل

صح لسانك يالمحلل ولسان المقدام اللي يبا يقدم

[محلل أدبي]

ذيب الملاعب
صح بدنك وشكرن على المرور

[عبدالمجيد العطاوي]

مرحبا في حلّة الهيلا هل الناموس والمقدار والعزّ الرزيني=عدّ من حج الحرم والّلي لفا يمّ الحرم باذن الولي تغفر ذنووبه
يامحـلل حلل الكلمـة وخـلّ العلم يارجّـال في حرز مكيني=معـرفتنا بـدّها بالطيـب والا خـلّـها تقـعـد ولا هيـب محسـوبة

[ذيب الملاعب]

طيب طيب رد وافي وجميل صح لسانك يالعطاوي

[محلل أدبي]

..


الله الله

خلووهااااااا

بارك الله بالرجال الطيبّه والطيّبه مبداي ورث الاوليني = قلتها وآعيدها عقب العطاوي شاش من بين الملا وشبّت شبوبه
الجمال اللي تجمّل جمل الله حال جمّالٍ جمعها منذ حيني = يوم قلبك طيّب وشفت بعيونك وش بدوبه يالعطاوي وانتهوبه؟؟؟

[عبدالمجيد العطاوي]

العـلـوم الطـيّـبة مـن حـظّ رجّـــال جلبـها للـرجـال الغـانميـني=هات علمك يامحلّل هات علمك والجدر مبناه طوبة فوق طوبة
المراجل مكسبٍ لاهل الوفاوان كان عندك شيّ يالطيّب يبيني=ابتدوا ثمّ انتهوا بالطيب والضيف المحشّم عندنا يلقى وجوبه