اقرب يا عاشق المخايل هنياااااااااااا

[( العطاوي )]

انا بيني وبين امطيـر علـمٍ ما لقـي حـلاّل=عجـزنا لا نحـلّـه والدروب اوسـاع واطـوالي
ليـا قلت ابعدوا عنـّا وخلّوا حيلة المحتـال=يضوون الحيـل لين السعاير تشعل أشعالي

[الشــاهد]

المشاركة الأصلية كتبت بواسطة ( العطاوي )

انا بيني وبين امطيـر علـمٍ ما لقـي حـلاّل=عجـزنا لا نحـلّـه والدروب اوسـاع واطـوالي
ليـا قلت ابعدوا عنـّا وخلّوا حيلة المحتـال=يضوون الحيـل لين السعاير تشعل أشعالي

العطاوي مبدع وانا في صفك 0000مطير وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عاشق المخايل]

الا ياللي تنادي امطير لك مخرج بلا مدخال = نحله بالسيوف اللي تقص الجسم من عالي
ليامنا مسينا مع عتيبه ننتظر مقيال = عتيبه ما نمازح غيرها لو زادت اقوالي

[( العطاوي )]

سيـوفك لا تجـردها على الهامش على البطّـال=نبيـك تحلّـها زال انـت للعـقــدات حـلاّلي
تـحـوّلـها مـزح لكـنـّها في الصـدق ما تـنحـال=تبى تشتـب نـارٍ تحـرق الأول مع التـالي

[سلطان الحافي]

الله الله


صحت السنتكم

وازهل الصف يالعطاوي



مودتي,,,,

[عاشق المخايل]

انا اشوف الخطا واضح وناس تبري المحتال = لعل اعتيبه تفك العرب والشر ماشالي
ترى مزح العرب قاسي وذا رجلي وذا جمال = واذا شبت تراكم وسطها تصلي لها صالي

[( العطاوي )]

عتـيبـة ما يجـي منـهم خـطـا ياعـاشـق المخيـال=لكـنّ احفـظ كلامك والحمـول اكبـار واثقـالي
عسى اللي ماخذ الدنيا على مزح وهزل واخبـال=تجـيـه الصاقعـة مـن بـطـن هـمّـال وهـطّـالي