اطيبهم اللي مايعرف المخاليص.................... يظرب على الطاغي لياجاه ماحاص

[الحكــــــيم]

حان الهدادوجاك وقت المقانيص=والجو يطرب كل عاشق وقناص
اعلاج قلبي عن دكاترو تشخيص=سجة خلا في خايعن فيه قراص
سبعة نشاماً كلبوهم قوانيص=مامنهم اللي يوم عن ماقفه لااص
شالو مزاهبهم بدقه وتمحيص=اثنين جكسارات والثالث الشاص
غالن شراها ماشرو شي برخيص=اعيونهم للجزل ماجابو رخاص
سرو يبون الحد معهم تراخيص=يقرون عمي مع تبارك والاخلاص
وجهة جنوب بلا علامه وتنصيص=أربع ميه مع كثرها بالتخصاص
كلن يعرف الدرب في دربه بخيص=الكل منهم عاهد اخوه بخلاص
خطلان الايدي كلبوهم مفاريص=ارجال عزوعرفهم عن تبخاص
اطيبهم اللي مايعرف المخاليص=يظرب على الطاغي لياجاه ماحاص
مافيهم اللي عفص الهرج تعفيص=ان قال جزل الهرج ماينقص انقاص
يعطيك هرج وموجز الهرج تلخيص=مثل الدررلاجت من يدين غواص
اخير من منهو كما فيدت اغليص=وليا نصحته نفص العين نفاص
وساعة لفو لاكلبوهم معاويص=سوولهم دله وجابولها خلاص
وركب عشاه اللي على الطيب حريص=قرم على دروب الشكالات مفراص
والصبح بالمغباش قامو قواصيص=كلن على فاله مع الاثر قصاص
اناستن مامثلها ياقوانيص=هدد حرار ورمي ماهر وخراص

اخيكم /الحكيم / سعود بن عبدالله المقاطي

[خالد عبدالله القداح]

صح لسانك يابو عبدالله قصيده جزله وكفوا انت واللي اخترتهم
لكن لاتنسى اخوك من لحم الصيد
يقولون انه منشط للدوره الدمويه والاعصاب الارتجاليه
تقبل تحيات اخوك
هوشان النفيعي

[الحكــــــيم]

المشاركة الأصلية كتبت بواسطة هوشان النفيعي

صح لسانك يابو عبدالله قصيده جزله وكفوا انت واللي اخترتهم
لكن لاتنسى اخوك من لحم الصيد
يقولون انه منشط للدوره الدمويه والاعصاب الارتجاليه
تقبل تحيات اخوك
هوشان النفيعي

هههههههههههه


ولايهمك خوتك تنشرى


والله لاهينك على المرور المشرف


وصح بدنك

[فيصل المسعودي]

صح لسانك ياسعود

على هالجزلة

ونعم فيك وفي اخوياك ياغالي

وفي إنتظار جديدك

تحياتي

[ذيب عتيبه الهيلا]

صح لسانك مشكورررررررررر

[عبدالله الجـــذع]

الله اكبر

الممدوح بلا شك يستحق المدح
وقصيده تتكلم عن نفسها
جزله يالجزل
واتمنى لكم السعاده دوما

محبك

،,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الاشقر8]

كفيت ووفئت يابو فيصل

[الحكــــــيم]

المشاركة الأصلية كتبت بواسطة الاشقر8

كفيت ووفئت يابو فيصل

لاهنت ىاخوي الاشقر على المرور


مرورك يشرفني

[أبو نجر النفيعي]

..

الله الله

..

صح لسانك واعتلا شانك يا سعود .. كتبت فأبدعت , قصيده جزله ورائعه ..

وتطويع للقافيه الصعبه ..

وفي انتظار جديدك يالغالي ..



أخوك

التوقيع

.....

[الحكــــــيم]

اخواني

فيصل

ابو نجر

اشكر مرو ركم المشرف