 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
01-Aug-2008, 09:12 PM
|
رقم المشاركة : 1 | |||||
|
المطارفه والحميه لجارهم الشمري~~~~~~ خيال العشوى
هذه السالفة من من النوادر وهي للمطارفة من عنزة
وكان للمطارفة جار يقاله النفيشي من شمر راعي غنم وهم المطارفة أهل بل ومن المعروف ان هاغلنم الشويهات ماتقدر تجاري البل في المشي والمسير وخصوص وقت المغازي ، الوكاد ويجي النذر للمطارفة ان ابن صويط من الظفير وربعه يبي يغزي عليهم ، فقال المطارفة انهم يهجون باهلهم ونياقهم والخيل تثني من دونهم بالهوش ويقاله هوش الساقة وهو مشاغلة الاعداء عن الاهل والحلال وقالوا لجارهم الشمري غنمك خلها ونعوضك بعددها من البل مار هالشمري عيا عليهم وقال هالقصيده ينخاهم على شويهاته : شياهي مزينها عن اللي يريدهــــا ،،،،،،،،،،،،،،،،،،،،،،،،،،،زحول الرجال أهل الفعال المطارفه يافون بالشطات ويدهلون بالرخــــا ،،،،،،،،،،،،،،،،،،،،،،،،،،،يوم ان بعض الناس ينكر معارفــــــه يا ويل من هو بالملاقا يضدهــــــم ،،،،،،،،،،،،،،،،،،،،،،،،،،،،ينهج كما واد غثا السيل جارفـــــه ما اقول قول يقال شوفي بعينــــي ،،،،،،،،،،،،،،،،،،،،،،،،،،،،في ساعه به دمعة العين ذارفـــه حاموا هل العشوا على حق جارهم ،،،،،،،،،،،،،،،،،،،،،،،،،،،في موقف فيه المنايا امشارفــــه الا ورد عد يبشرونه بالـــــــــــــــروا ،،،،،،،،،،،،،،،،،،،،،،،،،،،يروون ولو انه تصافق مغارفــــــــه من لابة لاقيل يضرب بها المثــــــل ،،،،،،،،،،،،،،،،،،،،،،،،،،،واهني من هو بالصداقه ايحالفــــه كل قوم ولا عناّز يا جاهل بهــــــم ،،،،،،،،،،،،،،،،،،،،،،،،،،،أهل ناقة بالكون بالخوف واقفــــــه سكان دار الخوف مرهبة العـــــــدا ،،،،،،،،،،،،،،،،،،،،،،،،،،،بكل ديرة جيتها شفت طارفــــــــه وفريسهم يوم اللقا يندعى بهــــم ،،،،،،،،،،،،،،،،،،،،،،،،،،،من لانعرفه عرف نسمع سوالفـــه وعقبها قسمو الخيل قسمين قسم يشيل الشويهات ويعديها امام المظاهير وينزلها ثم يعودون الى قومهم والى وصلوها ياخذها القسم الثاني ويعاودون الكر والفر على عدوهم الظفير ، حتى نجو بما غنمو منهم ونجو بشويهات الشمري وكان عددها ثلاثين وحتى وصلو جرعا غنم وانضافت هذه الجرعاء الى الغنم بسبة هذه الحادثة وهي معروفة به الاسم للحين بالشمال وعقب ما نهزم ابن صويط بها المعركة واحتموا المطارفة بشويهات جارهم قال الشاعر محمد بن هايس المطرفي هالقصيده : يوم العرب غاير وناير بلا اشــــــوار ،،،،،،،،،،،،،،،،،،،،،،،،،،وكل على فعله ايسوي تماثيــــــــل ربعي هل العشوى بعيدين الاذكار ،،،،،،،،،،،،،،،،،،،،،،،،،،اللي يشيلون الضواين على الخيـــل قصيرهم ما يجدعونه على الــــدار ،،،،،،،،،،،،،،،،،،،،،،،،،،في راس عيطا نايفات الشهاليـــــل يوم الصويطي يدب القوم واغــــــار ،،،،،،،،،،،،،،،،،،،،،،،،،،جتهم سرايا الخيل مثل الهماليـــــل سامو شياهه سومة الصدق ببكار ،،،،،،،،،،،،،،،،،،،،،،،،،،وعيا يبيع وصاح ينخا المشاكيــــــــل ردو هل العشوا سبب صيحة الجار ،،،،،،،،،،،،،،،،،،،،،،،،،،،نقوة ارجال كلبوهم حلاحيــــــــــــل عند النفيشي هية تشتعل نـــــار ،،،،،،،،،،،،،،،،،،،،،،،،،،،في ساعة وقت الضحى تقل بالليل صاحوا عليهم صيحة تجلا الامـــرار ،،،،،،،،،،،،،،،،،،،،،،،،،،،يشبع بها ذيب الخلا بالرجاجيـــــــل كم خيّرٍ بارماحهم ثقل مصهـــــــار ،،،،،،،،،،،،،،،،،،،،،،،،،،،صاحن عليهم لابسات الخلاخيـــــل مركاضهم ذل من العيب والعــــــار ،،،،،،،،،،،،،،،،،،،،،،،،،،،،يبونها تحكي لجيل ورا جيــــــــــــل يم الجريعا جدعوهن بالاذكــــــــار ،،،،،،،،،،،،،،،،،،،،،،،،،،،،بحسابهن كل المضاريع والحيــــــل يرعن هيت بالروض من عقب الاخطار ،،،،،،،،،،،،،،،،،،،،،،،،،،،،من ضرب ربعي كاسبين التنافيـــل خيالة العشوى على الكود صبـــار ،،،،،،،،،،،،،،،،،،،،،،،،،،،،ما يقبلون الجارهم يلحقه ميــــــــل وشهودهم شمر على كل ماصار ،،،،،،،،،،،،،،،،،،،،،،،،،،،،وهرجٍ بلا فعل يسمى تهاويـــــــــل في سنة قديمة من الزمن الماضي كان المطارفة وهم من السلقا من العمارات من عنزة نازلين في أيام الربيع، ولم يكن أحد بينهم من غيرهم سوى جار من قبيلة شمّر يدعى عقيل النفيشي الشمري، وهذا الجار لم يكن لديه من المواشي سوى قطيع من الضأن، بينما المطارفة جميع مواشيهم من الإبل، وقد جاءهم النذير فأبلغهم أن إحدى القبائل بقيادة زعيمها ستصبّحهم غداً وكانوا قليلي العدد فلا طاقة لهم بملاقاتهم، فتشاوروا واتفق رأيهم على الرحيل خشية وقوع كارثة لاتحمد عقباها، ولكن جارهم صاحب الغنم لا يستطيع أن يجاري المطارفة أصحاب الإبل، فطلبوا من النفيشي أن يترك غنمه وله بدل كل نعجة ناقة، فرفض وقال: "أترك غنمي وأنا بجوار المطارفة؟!..، ما أريد عوض بشويهاتي". فقال المطارفة: "الرأي أن نرحل ونسوق الغنم أمامنا بعد أن تسير المضاهير ويسير الخيالة خلف غنم الشمري، وإذا فوجئنا بالغارة ننقسم قسمين: قسم يطارد القوم وقسم يشيل الغنم"، وفعلا حدث ما خططوا له، فكان موقفهم بطولياً عظيماً في الدفاع عن حقوق الجار. وقال النفيشي الشمري يمدح المطارفة من عنزة <--xx-->doPoem(0) شياهي مزبنها عن اللي يريدهـا زحول الرجال أهل الفعال المطارفه يافون بالشطات ويدلهون بالرخـا يوم ان بعض الناس ينكر معارفه يا ويل من هو بالملاقـا يضدهـم ينهج كما واد غثا السيل جارفـه ما اقول قول يقال شوفي بعينـي في ساعه به دمعة العين ذارفـه حاموا هل العشوا على حق جارهم في موقف فيه المنايـا امشارفـه لا وردوا عد يبشرونـه بالـروا يروون ولو انه تصافق مغارفـه من لابة لاقيل يضرب بها المثـل واهني من هو بالصداقه ايحالفـه كل قوم ولا عناّز يا جاهـل بهـم أهل ناقة بالكون تخـلا مواقفـه سكان دار الخوف مرهبـة العـدا بكل ديرة لجيتها شفـت طارفـه وفريسهم يوم اللقا يندعـى بهـم من لانعرفه عرف نسمع سوالفه وقال الشاعر محمد الهايس المطرفي العنزي بهذه الوقعة <--xx-->doPoem(0) يوم العرب غاير ونايـر بـلا شـوار وكل علـى فعلـه ايسـوي تماثيـل ربعي هل العشـوا بعيديـن الاذكـار الي يشيلون الضواين علـى الخيـل قصيرهـم مايجدعونـه علـى الـدار في راس عيطـا نايفـات الشهاليـل يوم السويطي يـدب القـوم واغـار جتهم سرايا الخيـل مثـل الهماليـل سامو اشياهه سومة الصـدق ببكـار وعيا يبيع وصـاح ينخـا المشاكيـل وردو هل العشوا بسبب صيحت الجار نقـوت ارجـال كلبوهـم مشاكـيـل عنـد النفيشـي هيـة تشتعـل نـار في سا عتا وقت الضحى تقـل باليـل صاحو عليهم صيحتا تجـلا الامـرار يشبع بها ذيـب الخـلا بالرجاجيـل كم خيـرا برماحهـم تقـل مصهـار صاحن عليهـم لابسـات الخلاخيـل مركاضهـم ذلا مـن العيـب والعـار يبونهـا تحكـى لجيـل ورا جـيـل يـم الجريعـا جدعوهـن بـالاذكـار بحسابهن كـل المضاريـع والحيـل يرعن هية بالروض من عقب الاخطار من ضرب ربعـي كاسبيـن التنافيـل خيالت العشوا علـى الكـود صبـار مايقبلـون الجارهـم يلحقـه مـيـل وشهودهم شمر علـى كـل ماصـار وهرجـا بلافعلـن يسمـى تهاويـل كان عقيل النفيشي الشمري له ولد اسمه مناع وبعد ان رجع الى جماعته و كبر الولد غزوا جماعة النفيشي على المطارفة فقام الولد مناع بالغزوا مع جماعته حاول عقيل اقناع ابنه بعدم الغزو على المطارفة وذكره موقف المطارفة لكن محاولة الشايب فشلت وبعد معركة دامية انكسروا الغزاة واسروهم جميعا بمافيهم مناع وقد عرف مناع بنفسه خوف من القتل ثم ان الفارس سعود الزلال المطرفي سئل مناع لماذا تغزوا علينا وهل ابوك ماخبرك بشيء فقال مناع لقد اخبرني الوالد لكن هذه قدرة الله ثم ان سعود اعطاه فرس اصيل وقال سلملي على ابوك واعطه هذه الفرس . وبعد عودتهم مكسورون فرح عقيل النفيشي فرح شديد وقال هذه القصيدة يهجوا بها ابنه. <--xx-->doPoem(0) نسيت يامنـاع ياجاحـد الثنـاء يوم يسام الضان في جل نيبهـا ونسيت يامنـاع كـون علينـا من طلعت البيضا لحزت مغيبها ولاقلت شيء غير كلـه تخبـره طير الجريعا بشر الصبح ذيبهـا ولاقلت شيء غير عيني تشوفه وكم خفرة خلوه تنعـى حبيبهـا وسعود يامناع ذعـار السبايـا له صيحة باللازمة يندعي بهـا تبي نياق سعود من كبر قلبـك وكم سربة يهفيه ما احد دريبها فوق البريصا كنه البرق خاطف هملول صيف فوق متنه سبيبها شلك صبي الجود من فوق عندل سعود ذعار الخيل وابوه ذيبهـا كم ابلج عشاه سحم الضـواري والضبعة العرجا تعلم صحيبهـا ابداوتك منهـم اصيـل تشبـاء سعود يحرمهـا وليـه تجيبهـا والله يالولا طيبهـم مانشوفـك ماشفت ربعك وين تالي ذهيبهـا زبنت انا منجـورة اولاد وائـل قبيلة ياعز مـن يلتجـي بهـا وان احمد الله شاف فعل ذكرتـه وهرجي عليه شهود والله رقيبها بمصقلات الهند ومزرج القنـاء وشلف نهار الكون تاكل حريبها نعم بهم وان قيل اهل الضوايـن قبيلـة مامـل منهـا قريبـهـا شياهي شروهن بالعمار الغوالي في ساعه والروح ماينصخي بها هذا وصلى الله على سيد البشر اعداد ماقيلت هـروج احكيبهـا ************************************ انشدك يامناع ياراعي الثنا ** انشدك عن العشوا ومن ينتخيبها ليا حارت الاضعان تتنى غزي ** هذي مرجها وهذي مصيبها وثعلـي يثـعل الخيـل بالقنـا ** عـلى جــواد بـيد الله بيــدها وانشدك عن صقرآ وصقرآ سميه ** ضرب الهنادي بين وكيدها __________________________________________________ ملاحظه : سعود ابن ذيب من فرسان المطارفه غزي هو غازي بن ثعلي ولقب بغزي لشجاعته وفروسيته ثعلي هو ابو غزي فارس مطرفي صقرآ وصقرآ سميه فارس مطرفي الاول صقر السحالي شيخ المطارفه وفارسها في ذالك الوقت والثاني صقر الذهابي فارس مطرفي هل العشوا هم المطارفه......... ________________________________________ |
|||||
|
|
|
|
|
|
|
|
|
|
02-Aug-2008, 05:12 AM
|
رقم المشاركة : 2 | |||||
|
والله وسبعه انعاام بخيال العشوى يفعلون الطيب من قديم والحين وحياك الله في محل عتيبه الهيلا محل مايحلابه |
|||||
|
|
|
|
|
|
|
|
|
|
|
03-Aug-2008, 03:59 AM
|
رقم المشاركة : 4 | |||||||
|
والله والسبعة انعام بعنزة اهل نخوه وشجاعه وجيرتهم تنشرا بالذهب ...
ولاهنت يالمطرفي على ذكر القصه وحياك الله بين اخوانك في منتدى الهيلا ...
|
|||||||
|
|
|
|
|
|
|
|
|
|
|
03-Aug-2008, 06:50 AM
|
رقم المشاركة : 5 | |||||
|
عبادي المقاطي
ماعليك زود ______________________ الوفا طبعي وبنعم بحالك ________________ ابن فهيد ماعليك زود وابقاك الله ________________________ تقديري.. |
|||||
|
|
|
|
|
|
|
|
|
|
|
11-Aug-2008, 12:38 AM
|
رقم المشاركة : 6 | |||||
|
خيال العشوى
الله يعطيك الف عافيه وهاذي من عادات العرب الاوايل وتسلم يابن وائل تقبل تحياتي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
